Summer Tips: సమ్మర్లో హెల్దీగా, ఫిట్గా ఉండాలనుకుంటున్నారా? అయితే మీ డైట్లో కీరాను ఇలా భాగం చేసుకోండి..
Summer Tips: వేసవిలో హెల్దీగా, ఫిట్గా ఉండడానికి హైడ్రేటెడ్ గా ఉండే వాటిని తీసుకోవడం చాలా ముఖ్యం. అందుకే వేసవిలో దోసకాయతో చేసిన వాటిని తినమని నిపుణులు కూడా సూచిస్తున్నారు. ఈ క్రమంలో నీటితో నిండి ఉండే దోసకాయ వేసవిలో శరీరానికి ఎంతో మేలు చేకూరుస్తుంది.
కీర లేదా దోసకాయలో నీటి శాతం ఎక్కువగా ఉంటాయి. ఇది బాడీని హైడ్రెటెడ్గా ఉంచుతుంది.
దోసకాయ రసం: శరీరంలో నీటి స్థాయులు తగ్గడం వల్ల మన ఆరోగ్యంతో పాటు చర్మం కూడా దెబ్బతింటుంది. అయితే బాడీని డీహైడ్రెటెడ్గా ఉంచడంలో దోసకాయ సమర్థంగా పనిచేస్తుంది. దీంతో ఇంట్లోనే సులభంగా జ్యూస్ తయారు చేసుకోవచ్చు. మరింత రుచి కోసం కొద్దిగా నిమ్మరసం కలుపుకోవచ్చు.
దోసకాయ రైతా: ఇది రుచిగా ఉండటమే కాకుండా చాలా ఆరోగ్యకరమైనది. తయారు చేయడం కూడా సులభం. విశేషమేమిటంటే లంచ్ లేదా డిన్నర్ రుచిని పెంచడానికి మీరు భోజనంలో దోసకాయ రైతాను జోడించవచ్చు. వేసవిలో దోసకాయ రైతా తినడం వల్ల కడుపులో చల్లగా ఉంటుంది. దీనివల్ల జీర్ణక్రియ రేటు కూడా మెరుగ్గా ఉంటుంది.
కీర సలాడ్: వేసవి లేదా శీతాకాలం.. ఏసీజన్లోనైనా దోసకాయతో చేసిన సలాడ్ను ప్రతిరోజూ తీసుకోవాలి. నిపుణుల అభిప్రాయం ప్రకారం, టమోటాలు, దోసకాయలు ఇతర వాటితో తయారు చేసిన సలాడ్లను క్రమం తప్పకుండా తీసుకోవాలి. ఇది శరీరాన్ని హైడ్రేటెడ్గా ఉంచడంతో పాటు చర్మాన్ని మెరిసేలా చేస్తుంది.
దోసకాయ ఇడ్లీ: కొంచెం వింతగా అనిపించొచ్చు కానీ దోసకాయ ఇడ్లీలు చాలా రుచిగా ఉంటాయి. నిజానికి దోసకాయతో సాంబారు చేసి ఇడ్లీతో తినాలి. కర్ణాటకలోని చాలా ప్రాంతాలలో ఆరోగ్యంగా, ఫిట్గా ఉండేందుకు చాలామంది దోసకాయ సాంబార్, ఇడ్లీలను తీసుకుంటారు.
దోసకాయ సూప్: కొన్నిసార్లు హెవీగా తినడం వల్ల గ్యాస్, అజీర్ణం లేదా అసిడిటీ సమస్యలు ఎదురవుతాయి. ఇక వేసవిలో అయితే కొన్ని సార్లు వాంతులు కూడా అవుతాయి. డిన్నర్లో లైట్ డ్రైగా ఉండటానికి దోసకాయ సూప్ తాగవచ్చు.అదేవిధంగా ఉడకబెట్టిన దోసకాయలను టొమాటో సూప్లో కలుపుకుని తీసుకోవచ్చు.