World Cup 2023: 7ఏళ్ల వయసులో భారతదేశాన్ని వీడాడు.. కట్‌చేస్తే.. 20 ఏళ్ల తర్వాత తొలి సెంచరీతో బీభత్సం.. ఎవరంటే?
Netherlands vs Oman, Vikramjit Singh: 7 ఏళ్ల వయసులో భారత్‌ను వదిలి ఈ దేశం తరఫున ఆడిన విక్రమ్‌జిత్ సింగ్ 20 ఏళ్ల వయసులో తన తొలి వన్డే సెంచరీని నమోదు చేశాడు.
World Cup Qualifiers 2023: ఐసీసీ ప్రపంచ కప్ క్వాలిఫైయర్ 2023 సూపర్ సిక్స్ ఐదవ మ్యాచ్‌లో నెదర్లాండ్స్ ఓపెనర్ విక్రమజీత్ సింగ్ ఒమన్‌పై సెంచరీ చేశాడు. విక్రమ్‌జీత్ సింగ్ వన్డే కెరీర్‌లో ఇది తొలి సెంచరీ. ఈ ఇన్నింగ్స్ ఆధారంగా, అతని జట్టు మొదటి ఇన్నింగ్స్‌లో ఒమన్ ముందు 7 వికెట్లకు 362 పరుగుల భారీ స్కోరును ఉంచింది.
20 ఏళ్ల వయసులో విక్రమ్‌జీత్ వన్డేల్లో తొలి సెంచరీ సాధించాడు. విక్రమ్‌జిత్ సింగ్ తన వన్డే క్రికెట్ కెరీర్‌లో 20 ఏళ్ల 175 రోజుల వయసులో తొలి సెంచరీని నమోదు చేశాడు. అతను ఒమన్‌పై తన జట్టుకు చాలా మంచి ఆరంభాన్ని అందించాడు. మొదటి వికెట్‌కు 117 పరుగుల సెంచరీ భాగస్వామ్యాన్ని పంచుకున్నాడు. అతను రెండో వికెట్‌కు అర్ధ సెంచరీ భాగస్వామ్యాన్ని కూడా నమోదు చేశాడు.
అయితే ఆ తర్వాత అతను 110 పరుగులు చేసిన తర్వాత ఔటయ్యాడు. ఈ మ్యాచ్‌లో 109 బంతులు ఎదుర్కొన్న విక్రమ్ 2 సిక్సర్లు, 9 ఫోర్ల సాయంతో ఈ ఇన్నింగ్స్ ఆడాడు. అదే సమయంలో, వన్డే క్రికెట్‌లో 22 మ్యాచ్‌ల తర్వాత, అంటే తన 23వ మ్యాచ్‌లో సెంచరీ చేశాడు.
అతను తన ODI కెరీర్‌లో ఇప్పటివరకు 23 మ్యాచ్‌లు ఆడాడు. 32.82 సగటుతో 755 పరుగులు చేశాడు. ఇందులో ఒక సెంచరీ, 5 అర్ధ సెంచరీలు ఉన్నాయి. అదే సమయంలో ఒమన్‌పై అతని ఇన్నింగ్స్ ఈ ఫార్మాట్‌లో ఇప్పటి వరకు అతని అత్యుత్తమ స్కోరుగా నిలిచింది.
విక్రమజీత్ సింగ్ 9 జనవరి 2003న పంజాబ్‌లోని చీమఖుర్ద్‌లో జన్మించాడు. అతను 7 సంవత్సరాల వయస్సులో నెదర్లాండ్స్‌కు మారాడు. కేవలం 15 సంవత్సరాల వయస్సులో అతను నెదర్లాండ్స్ తరపున అంతర్జాతీయ అరంగేట్రం చేశాడు. అతను 19 సెప్టెంబర్ 2019న ఐర్లాండ్‌తో నెదర్లాండ్స్ తరపున తన మొదటి టీ20 మ్యాచ్ ఆడాడు.
జూన్ 20, 2022న అతను న్యూజిలాండ్‌పై తన వన్డే అరంగేట్రం చేశాడు. అంతకుముందు విక్రమ్ 11 మే 2021న నెదర్లాండ్స్ తరపున తన మొదటి లిస్ట్ ఏ క్రికెట్ ఆడాడు. విక్రమజీత్ సింగ్ బ్యాటింగ్ ఆల్ రౌండర్. అలాగే వేగంగా బౌలింగ్ చేయడంతోపాటు కుడిచేతి వాటంతో బ్యాటింగ్ చేస్తాడు. వన్డే క్రికెట్‌లో ఇప్పటి వరకు 5 వికెట్లు కూడా తీశాడు.