India Vs Srilanka: వన్డే సిరీస్‌పై కన్నేసిన గబ్బర్ సేన.. టీంలో నో ఛేంజ్‌స్.. ఆ ఇద్దరూ బెంచ్‌కే!
India Vs Srilanka 2nd ODI: మరో రసవత్తరమైన పోరుకు ఇండియా, శ్రీలంక సిద్దమయ్యాయి. ఇవాళ ఆర్. ప్రేమదాస స్టేడియం వేదికగా ఇరు జట్ల మధ్య...
మరో రసవత్తరమైన పోరుకు ఇండియా, శ్రీలంక సిద్దమయ్యాయి. ఇవాళ ఆర్. ప్రేమదాస స్టేడియం వేదికగా ఇరు జట్ల మధ్య రెండో వన్డే జరగనుంది. గబ్బర్ సేన సిరీస్‌పై కన్నేయగా.. ఈ మ్యాచ్‌లో గెలిచి పరువు నిలబెట్టుకోవాలని శ్రీలంక జట్టు తాపత్రయపడుతోంది.
ఈ మ్యాచ్‌లో టీమిండియా పలు రికార్డులను కొల్లగొట్టే అవకాశాలు ఉన్నాయి. ఒకవేళ ఈ మ్యాచ్ భారత్ గెలిస్తే.. శ్రీలంకపై వరుసగా 14 వన్డేలు గెలిచి ప్రపంచ రికార్డును నెలకొల్పుతుంది. అలాగే టీమిండియాకు ఇది శ్రీలంకపై 93వ విజయం అవుతుంది.
ఇక ఈ మ్యాచ్‌లో టీమిండియా తుది కూర్పులో ఎలాంటి మార్పు ఉండకపోవచ్చు. ఖచ్చితంగా విన్నింగ్ కాంబినేషన్‌తోనే బరిలోకి దిగుతుంది. అటు శ్రీలంక జట్టులో అయితే ఇసురు ఉదాన స్థానంలో లహిరు కుమార బరిలోకి దిగే అవకాశాలు ఉన్నాయి.
భారత్(అంచనా): ధావన్‌ (కెప్టెన్‌), పృథ్వీ షా, ఇషాన్‌ కిషన్, మనీశ్‌ పాండే, సూర్యకుమార్, హార్దిక్‌ పాండ్యా, కృనాల్‌ పాండ్యా, భువనేశ్వర్, దీపక్‌ చహర్, కుల్దీప్‌ యాదవ్, యజువేంద్ర చహల్‌.
శ్రీలంక(అంచనా): దసున్‌ షనక (కెప్టెన్‌), అవిష్క ఫెర్నాండో, మినోద్‌ భానుక, భానుక రాజపక్స, ధనంజయ, చరిత్‌ అసలంక, హసరంగ, కరుణరత్నే, చమీర, సందకన్, లహిరు కుమార