ENG vs IRE Test: టెస్టులో వన్డే బ్యాటింగ్.. లార్డ్స్లో సెంచరీల వర్షం కురిపించిన ఇంగ్లండ్ ప్లేయర్స్.. 93 ఏళ్ల రికార్డ్లు బద్దలు..
Ollie Pope Double Century: తొలిసారి ఇంగ్లండ్కు వైస్ కెప్టెన్గా ఎంపికైన ఓలీ పోప్ తన టెస్టు కెరీర్లో తొలిసారిగా నాలుగో సెంచరీ నమోదు చేసి.. ఆ తర్వాత కేవలం 207 బంతుల్లోనే డబుల్ సెంచరీని అందుకున్నాడు.
యాషెస్ సిరీస్ కోసం ఇంగ్లండ్ క్రికెట్ జట్టు సన్నాహాలను ఘనంగా ప్రారంభించింది. ఐర్లాండ్తో జరిగిన ఏకైక టెస్ట్ మ్యాచ్లో ఇంగ్లండ్ బౌలర్లు అద్భుతంగా ఆరంభించారు. ఆ తర్వాత బ్యాట్స్మెన్స్ కూడా పరుగుల వర్షం కురిపిస్తూ సెంచరీలతో సత్తా చాటారు. జట్టు కొత్త వైస్ కెప్టెన్ ఒల్లీ పోప్ డబుల్ సెంచరీతో కొత్త సీజన్ను అద్భుతంగా ప్రారంభించాడు.
లార్డ్స్ వేదికగా జరుగుతున్న టెస్టు మ్యాచ్లో రెండో రోజు ఇంగ్లండ్ బ్యాట్స్మెన్ చెలరేగడంతో భారీ స్కోర్ నమైంది. కుడిచేతి వాటం బ్యాట్స్మన్ రెండో సెషన్లో నాలుగో సెంచరీ పూర్తి చేశాడు.
దీని తర్వాత, పోప్ తన టెస్ట్ కెరీర్లో మొదటి డబుల్ సెంచరీని మూడో సెషన్లో సాధించాడు. పోప్ కేవలం 207 బంతుల్లోనే ఈ ప్రత్యేక ఫీట్ సాధించాడు. పోప్ 205 పరుగులు చేశాడు. ఈ సమయంలో అతను మొదట బెన్ డకెట్తో 252 పరుగుల భాగస్వామ్యాన్ని పూర్తి చేశాడు. తర్వాత జో రూట్తో కలిసి 146 పరుగులు చేశాడు. ఇంగ్లండ్ 524 పరుగుల వద్ద ఇన్నింగ్స్ డిక్లేర్ చేసింది.
పోప్ కంటే ముందు ఓపెనర్ బెన్ డకెట్ కూడా ఐర్లాండ్పై భారీ ఇన్నింగ్స్ ఆడి 182 పరుగుల తర్వాత ఔటయ్యాడు. ఈ సమయంలో డాన్ బ్రాడ్మాన్ 93 ఏళ్ల రికార్డును డకెట్ బద్దలు కొట్టాడు. డకెట్ కేవలం 150 బంతుల్లో 150 పరుగులు పూర్తి చేశాడు. ఇది లార్డ్స్లో అత్యంత వేగంగా 150 పరుగులు. బ్రాడ్మాన్ 1930లో 166 బంతుల్లో ఈ ఘనత సాధించాడు.
వీరిద్దరితో పాటు వెటరన్ బ్యాట్స్మెన్ జో రూట్ కూడా తన పేరిట ఓ ఘనతను నమోదు చేసుకున్నాడు. రూట్ కేవలం 56 పరుగులు చేసిన తర్వాత అవుట్ అయ్యాడు. అయితే ఈ సమయంలో అతను టెస్టుల్లో తన 11,000 పరుగులను కూడా పూర్తి చేశాడు. ఇంగ్లండ్లో ఈ ఘనత సాధించిన రెండో బ్యాట్స్మెన్గా నిలిచాడు.