Team India: టీమిండియా ఫ్యాన్స్కి గుడ్ న్యూస్.. ఆ స్టార్ పేసర్ రీఎంట్రీ..
2023 వన్డే ప్రపంచకప్లో మహ్మద్ షమీ సంచలనం సృష్టించాడు. అప్పుడు 7 మ్యాచ్లు మాత్రమే ఆడిన షమీ మొత్తం 24 వికెట్లు పడగొట్టాడు. మళ్లీ ఏడాది తర్వాత షమీ రంజీ టోర్నీలో తలపడుతున్నాడు.
టీమిండియా పేసర్ మహ్మద్ షమీ పునరాగమనానికి సిద్ధమయ్యాడు. రేపటి నుంచి ప్రారంభం కానున్న రంజీ ట్రోఫీ గ్రూప్-సీ మ్యాచ్లో షమీ బెంగాల్ తరఫున ఆడనున్నాడు. దీంతో పాటు త్వరలో టీమ్ ఇండియా జట్టులోకి తిరిగి రానున్నట్లు తెలుస్తుంది.
మహ్మద్ షమీ గత ఏడాది కాలంగా గాయం కారణంగా ఆటకు దూరంగా ఉన్న సంగతి తెలిసిందే. పాదాల నొప్పి కారణంగా భారత జట్టుకు దూరమైన షమీ ఇప్పుడు ఇండోర్లో మధ్యప్రదేశ్తో జరిగే మ్యాచ్లో మళ్లీ ఆడేందుకు సిద్ధమయ్యాడు.
2023 వన్డే ప్రపంచకప్ సమయంలో మహ్మద్ షమీకి పాదంలో నొప్పి వచ్చింది. అయితే ఎంత బాధ ఉన్నా పెయిన్ కిల్లర్స్ వేసుకుని టీమ్ ఇండియాకు ఆడాడు. దీంతో అతని పాదాల సమస్య తీవ్రమైంది.
అందుకే వన్డే ప్రపంచకప్ తర్వాత ఏ మ్యాచ్ ఆడలేదు. వైద్య పరీక్షల్లో కూడా శస్త్రచికిత్స అవసరమని తేలింది. దీంతో గత ఫిబ్రవరిలో మహ్మద్ షమీకి శస్త్రచికిత్స జరిగింది. దీంతో అతను ఐపీఎల్లో కనిపించలేదు.
షమి పూర్తి ఫిట్గా లేనందున ఆస్ట్రేలియాతో జరిగే బోర్డర్-గవాస్కర్ టెస్టు సిరీస్కు ఎంపిక చేయలేదు. ఇప్పుడు ఫిట్నెస్ సాధించడంతో దేశవాళీ పోటీకి షమీ సిద్ధమయ్యాడు.
రంజీ టోర్నీలో రెండు లేదా మూడు మ్యాచ్ల ద్వారా ఫిట్నెస్ నిరూపించుకుంటే.. ఆస్ట్రేలియాతో జరిగే 3వ టెస్టు మ్యాచ్లో అతడిని జట్టులోకి తీసుకోవచ్చు. కాబట్టి మహ్మద్ షమీ పునరాగమనం టీమ్ ఇండియాకు గుడ్ న్యూస్ గా భావించవచ్చు.