వామ్మో.. ఏంది బాసూ.. తొలి టెస్ట్లోనే ఇంతలా భయపెట్టావ్.. కట్చేస్తే.. టెస్ట్ క్రికెట్ చరిత్రలో అరుదైన రికార్డ్
IND vs ENG: ఇంగ్లండ్ జట్టు తరపున టెస్టుల్లో అరంగేట్రం చేసిన స్పిన్నర్ టామ్ హార్ట్లీ రెండో ఇన్నింగ్స్లో 7 వికెట్లు పడగొట్టి భారత్ ఓటమిలో కీలక పాత్ర పోషించాడు. దీంతో టెస్టు క్రికెట్ చరిత్రలో అరుదైన రికార్డు సృష్టించాడు. ముఖ్యంగా ఇంగ్లండ్ జట్టు తరపున తొలి టెస్టు మ్యాచ్ ఆడిన స్పిన్నర్ టామ్ హార్ట్లీ.. రెండో ఇన్నింగ్స్లో 7 వికెట్లు తీసి భారత జట్టు ఓటమికి ప్రధాన కారణమయ్యాడు. దీంతో టెస్టు క్రికెట్ చరిత్రలో అరుదైన రికార్డు సృష్టించాడు.
హైదరాబాద్లో జరిగిన తొలి టెస్టులో ఇంగ్లండ్ 28 పరుగుల తేడాతో భారత్ను ఓడించి సిరీస్ను ప్రారంభించింది. ఈ మ్యాచ్లో ఓ వైపు టీమ్ ఇండియా పేలవ బ్యాటింగ్ కనిపిస్తే.. మరోవైపు ఇంగ్లండ్ అద్భుత బౌలింగ్ ప్రదర్శన కనపడింది.
ముఖ్యంగా ఇంగ్లండ్ జట్టు తరపున తొలి టెస్టు మ్యాచ్ ఆడిన స్పిన్నర్ టామ్ హార్ట్లీ.. రెండో ఇన్నింగ్స్లో 7 వికెట్లు తీసి భారత జట్టు ఓటమికి ప్రధాన కారణమయ్యాడు. దీంతో టెస్టు క్రికెట్ చరిత్రలో అరుదైన రికార్డు సృష్టించాడు.
భారత్పై రెండో ఇన్నింగ్స్లో 7 వికెట్లు తీసిన టామ్ హార్ట్లీ, టెస్టు అరంగేట్రంలోనే ఇన్నింగ్స్లో అత్యుత్తమ బౌలింగ్ ప్రదర్శన చేసిన రెండో ఇంగ్లండ్ స్పిన్నర్గా నిలిచాడు.
అతను 1945 తర్వాత మొదటి టెస్ట్ మ్యాచ్లో ఈ ఘనత సాధించిన ఇంగ్లాండ్ జట్టు రెండవ స్పిన్నర్ అయ్యాడు. మొదటి టెస్ట్ మ్యాచ్లో అత్యుత్తమ ప్రదర్శన చేసిన ఇంగ్లండ్ ఐదవ బౌలర్ అయ్యాడు.
టామ్ హార్ట్లీ రెండో ఇన్నింగ్స్లో 26.2 ఓవర్లు బౌలింగ్ చేసి 62 పరుగులిచ్చి 7 వికెట్లు పడగొట్టాడు. టీమిండియా కెప్టెన్ రోహిత్ శర్మ, యశస్వి జైస్వాల్, శుభ్మన్ గిల్, అక్షర్ పటేల్, కేఎస్ భరత్, రవిచంద్రన్ అశ్విన్, మహ్మద్ సిరాజ్లు హార్ట్లీ మాయాజాలానికి బలయ్యారు.
టామ్ హార్ట్లీ కంటే ముందు, ఇంగ్లండ్ స్పిన్నర్ రాబర్ట్ బెర్రీ 1950లో మాంచెస్టర్ టెస్టులో వెస్టిండీస్పై 116 పరుగులకు 9 వికెట్లు పడగొట్టాడు. ఇది ఇప్పటికీ రికార్డుగా నిలిచింది.
తొలి ఇన్నింగ్స్లో హార్ట్లీ మొత్తం 25 ఓవర్లు బౌలింగ్ చేసి 131 పరుగులిచ్చి 2 వికెట్లు పడగొట్టాడు. దీంతో అరంగేట్రం టెస్టులోనే మొత్తం 9 వికెట్లు పడగొట్టాడు. దీంతో అరంగేట్రం టెస్టులోనే అద్భుత ప్రదర్శన చేసిన ప్రపంచంలో 19వ బౌలర్గా నిలిచాడు.