ODI World Cup 2023: 1975 నుంచి 2019 వరకు.. 12 సీజన్ల వరల్డ్ కప్ టోర్నీలో ఎప్పుడు ఎవరు విజేతగా నలిచారంటే..?
ODI World Cup 2023: అక్టోబర్ 5 నుంచి భారత్ వేదికగా వన్డే వరల్డ్ కప్ జరగనున్న సంగతి తెలిసిందే. 1975 నుంచి జరుగుతున్న వరల్డ్ కప్ ఇప్పటివరకు 12 ఎడిషన్స్ని పూర్తి చేసుకోగా.. ఇప్పుడు జరగబోయేది 13వ ఎడిషన్ ప్రపంచ కప్. అయితే 1975 నుంచి 2019 వరకు జరిగిన వరల్డ్ కప్ టోర్నీల్లో ఎవరెవరు విజేతగా నిలిచారో తెలుసా..? ఆ వివరాలు ఇప్పుడు తెలుసుకుందాం..
వరల్డ్ కప్ 1975: తొలి వరల్డ్ కప్ టోర్నీ ఫైనల్లో ఆస్ట్రేలియాను ఓడించిన వెస్టిండీస్ విజేతగా నిలిచింది.
వరల్డ్ కప్ 1979: రెండో ఎడిషన్ వరల్డ్ కప్లో డిఫెండింగ్ చాంపియన్స్గా బరిలోకి దిగిన వెస్టిండీస్ రెండో సారి కూడా టైటిల్ విన్నర్గా నిలిచింది.
వరల్డ్ కప్ 1983: భారత క్రికెట్ అభిమానులు ఎన్నటికీ మర్చిపోలేని ఎడిషన్ ఇది. 1983 వరల్డ్ కప్ టోర్నీ విన్నర్గా అవతరించిన కపిల్ దేవ్ నేతృత్వంలోని భారత్.. అంతర్జాతీయ క్రికెట్లో వెస్టిండీస్ ఆధిపత్యానికి అడ్డుకట్ట వేసింది.
వరల్డ్ కప్ 1987: అల్లన్ బోర్డర్ నాయకత్వంలోని 1987 నాటి ఆసీస్ జట్టు నాలుగో ఎడిషన్ వరల్డ్ కప్ని గెలుచుకుంది.
వరల్డ్ కప్ 1992: ఇమ్రాన్ ఖాన్ నేతృత్వంలోని పాకిస్తాన్ జట్టు వరల్డ్ కప్ 1992 టోర్నీ టైటిల్ని గెలుచుకుంది.
వరల్డ్ కప్ 1996: ఆస్ట్రేలియాతో జరిగిన 1996 వరల్డ్ కప్ పైనల్లో అర్జున్ రణతుంగ నేతృత్వంలోని శ్రీలంక తొలి సారి కప్ గెలుచుకుంది.
వరల్డ్ కప్ 1999: ఇంగ్లాండ్ వేదికగా జరిగిన 1999 వరల్డ్ కప్ టోర్నీ ఫైనల్లో పాకిస్తాన్ని ఓడించి టైటిల్ని రెండో సారి గెలుచుకుంది ఆస్ట్రేలియా.
వరల్డ్ కప్ 2003: రికీ పాంటింగ్ నేతృత్వంలోని ఆసీస్ 2003 వరల్డ్ కప్ ఫైనల్లో విజయం సాధించి.. తన ఖాతాలో మూడో కప్ని వేసుకుంది.
వరల్డ్ కప్ 2007: వరుసగా రెండు సార్లు టైటిల్ గెలిచిన ఆసీస్ 2007 వరల్డ్ కప్ టోర్నీని కూడా గెలుచుకుంది.
వరల్డ్ కప్ 2011: ఇప్పటి క్రికెట్ అభిమానులకు చిరకాలం గుర్తుండిపోయే టోర్నీ ఇది. భారత్ వేదికగా జరిగిన 2011 వరల్డ్ కప్లో లంకను ఓడించి మహేంద్ర సింగ్ ధోని నేతృత్వంలోని టీమిండియా రెండో సారి కప్ గెలుచుకుంది.
వరల్డ్ కప్ 2015: మైకెల్ క్లార్క్ నాయకత్వంలో ఆస్ట్రేలియా ఐదో సారి వరల్డ్ కప్ విజేతగా నిలిచింది.
వరల్డ్ కప్ 2019: క్రికెట్ పుట్టింది ఇంగ్లాండ్లోనే అంటారు కానీ.. వరల్డ్ కప్ గెలుచుకునేందుకు ఇంగ్లీష్ టీమ్కి 12వ ఎడిషన్లో సాధ్యమైంది.