Kitchen Hacks: వామ్మో.! ఇన్ని రోజులు ఇది తెలియలేదే.. ఇలా చేస్తే తేనే సీసాలోకి చీమలు చేరవ్
నిత్యం వంటింట్లో ఎదురయ్యే చిన్న చిన్న సమస్యలను పరిష్కరించుకోవడానికి, పనులను సులభతరం చేసుకోవడానికి కొన్ని అద్భుతమైన చిట్కాలు అందుబాటులో ఉన్నాయి. ముఖ్యంగా నిమ్మకాయలు త్వరగా ఎండిపోకుండా ఉండాలంటే.. ఆ వివరాలు ఏంటో తెలియాలంటే.. కచ్చితంగా ఈ స్టోరీపై ఓ లుక్కేయండి మరి.
ఖరీదైన వస్తువులతోనే కాకుండా, ఇంట్లో లభించే సామాన్యమైన వస్తువులతో కూడా వంటగదిని, ఇంటిని అద్భుతంగా నిర్వహించుకోవచ్చని ఈ చిట్కాలు నిరూపిస్తున్నాయి. ముఖ్యంగా నిమ్మకాయలు త్వరగా ఎండిపోకుండా ఉండాలంటే, మనం వాడి పారేసే ఖాళీ నూనె ప్యాకెట్లలో వాటిని ఉంచి ఫ్రిజ్లో భద్రపరచాలి. ప్యాకెట్కు ఉండే కొద్దిపాటి నూనె జిగురు నిమ్మకాయలపై పొరలా ఏర్పడి, గాలి తగలకుండా చేసి దాదాపు నెల రోజుల పాటు తాజాగా ఉంచుతుంది.
అలాగే, వంటింట్లో అత్యంత ఎక్కువగా వాడే చాపింగ్ బోర్డులపై పేరుకుపోయే జిడ్డు, బ్యాక్టీరియాను వదిలించడానికి నిమ్మచెక్కపై కొద్దిగా ఉప్పు, వంట సోడా వేసి రుద్దడం వల్ల అవి కొత్తవాటిలా మెరుస్తాయి. ఫంగస్ చేరకుండా ఉండాలంటే వారానికి ఒకసారి వీటిని ఎండలో ఉంచడం మంచిది.
తేనె సీసాలో చీమలు చేరడం అందరికీ ఎదురయ్యే పెద్ద సమస్య. దీనికి పరిష్కారంగా తేనె డబ్బాలో నాలుగు ఐదు మిరియాలు వేస్తే, ఆ ఘాటుకు చీమలు దరిచేరవు. ఇక పర్యావరణానికి మేలు చేస్తూ, పాత ప్లాస్టిక్ బాటిళ్లను పారేయకుండా వాటి పైభాగాన్ని కత్తిరించి స్పూన్ హోల్డర్గా మార్చుకోవచ్చు. బాటిల్కు చిన్న రంధ్రం చేసి సింక్ పక్కన వేలాడదీస్తే, కడిగిన స్పూన్లు, ఫోర్కులు అందులో వేసుకోవడానికి వీలుగా ఉంటుంది. ఇది ఖర్చు లేని గొప్ప ఐడియా.
ఆరోగ్య విషయానికి వస్తే, ఋతుక్రమ సమస్యలతో బాధపడే మహిళలకు వాము నీరు అద్భుతమైన ఔషధంగా పనిచేస్తుంది. ఒక గ్లాసు నీటిలో ఒకటిన్నర స్పూన్ వాము వేసి సగం అయ్యే వరకు మరిగించి, దానికి బెల్లం లేదా తేనె కలిపి తీసుకుంటే మంచి ఫలితం ఉంటుంది. ఇది రక్త ప్రసరణను క్రమబద్ధం చేసి నొప్పి నుండి ఉపశమనం కలిగిస్తుంది.
చివరగా, అగరబత్తులను నేరుగా బయట ఉంచకుండా టిష్యూ పేపర్లలో చుట్టి భద్రపరచడం వల్ల వాటి సువాసన ఎక్కువ కాలం నిలిచి ఉంటుంది. ఈ చిన్నపాటి గృహ చిట్కాలు పాటించడం వల్ల మన సమయం ఆదా అవ్వడమే కాకుండా, రోజువారీ పనులు ఎంతో సులభతరం అవుతాయి. వీటిని పాటించి మీ ఇంటిని ఆరోగ్యంగా, అందంగా తీర్చిదిద్దుకోండి.