Tollywood : ఈ ఏడాది ప్రేక్షకులను అలరించడానికి రెడీ అయిన భారీ సినిమాలు ఇవే..
పాన్ ఇండియా ప్రాజెక్టుల తర్వాత ఇప్పుడిప్పుడే మన హీరోల కెరియర్ లో భారీ గ్రోత్ కనిపిస్తోందని అంటున్నారు.
పవర్ స్టార్ పవన్ కళ్యాణ్ నటిస్తోన్న పిరియాడికల్ డ్రామా హరిహర వీరమల్లు. క్రిష్ దర్శకత్వంలో తెరకెక్కుతోన్న ఈ సినిమా కోసం పవన్ అభిమానులంతా వేయి కళ్ళతో ఎదురుచూస్తున్నారు. ఈ సినిమా ఈ ఏడాది చివరిలో వచ్చే ఛాన్స్ ఉంది.
ఇక సూపర్ స్టార్ మహేష్ బాబు త్రివిక్రమ్ కాంబినేషన్ లో సినిమా వస్తోన్న విషయం తెలిసిందే. ఈ సినిమా షూటింగ్ శరవేగంగా జరుగుతోంది. ఈ మూవీ ఆగస్టు లో విడుదల చేయాలనీ సన్నాహాలు చేస్తున్నారు.
పాన్ ఇండియా స్టార్ ప్రభాస్ నటిస్తున్న సినిమా సలార్. ప్రశాంత్ నీల్ దర్శకత్వంలో వస్తోన్న ఈ సినిమా పై భారీ అంచనాలు నెలకొన్నాయి.
ఇక పుష్ప 2 తో అల్లు అర్జున్ కూడా ఈ ఏడాది బాక్సాఫీస్ దగ్గర సందడి చేయనున్నారు. పుష్ప సినిమా సంచలన విజయం సాధించిన విషయం తెలిసిందే.
మెగా పవర్ స్టార్ రామ్ చరణ్ నటిస్తోన్న మూవీ ఆర్సీ 15. శంకర్ దర్శకత్వంలో వస్తోన్న ఈ సినిమా కూడా ఈ ఏడాది రిలీజ్ కానుంది. బాలీవుడ్ బ్యూటీ కియారా అద్వానీ హీరోయిన్ గా నటిస్తోన్న ఈ సినిమా దిల్ రాజు భారీ బడ్జెట్ తో తెరకెక్కిస్తున్నారు.
ఇక యంగ్ టైగర్ ఎన్టీఆర్ కొరటాల శివ దర్శకత్వంలో సినిమా చేస్తోన్న విషయం తెలిసిందే. ఈ సినిమా షూటింగ్ త్వరలోనే ప్రారంభం కానుంది. ఈ సినిమా కూడా ఈ ఏడాదే రిలీజ్ అవ్వనుంది.