Tanushree Dutta: నన్ను చంపాలని ప్రయత్నిస్తున్నారు.. హీరోయిన్ షాకింగ్ కామెంట్స్..
బాలీవుడ్‌లో స్టార్‌ హీరోయిన్‌గా వెలిగిన ఈ ముద్దుగుమ్మ మీటూ ఉద్యమం, క్యాస్టింగ్‌ కౌచ్‌ ఆరోపణలతోనూ వార్తల్లో నిలిచింది.
ఆషిక్‌ బనాయా ఆప్నే అంటూ దేశవ్యాప్తంగా గుర్తింపు తెచ్చుకుంది బాలీవుడ్ నటి తనుశ్రీ దత్తా. తెలుగులో బాలయ్యతో కలిసి వీరభద్ర సినిమాలో నటించి మెప్పించిందీ అందాల తార.
బాలీవుడ్‌లో స్టార్‌ హీరోయిన్‌గా వెలిగిన ఈ ముద్దుగుమ్మ మీటూ ఉద్యమం, క్యాస్టింగ్‌ కౌచ్‌ ఆరోపణలతోనూ వార్తల్లో నిలిచింది.
ఓ సినిమా షూటింగ్‌లో బాలీవుడ్ ప్రముఖ నటుడు నానా పటేకర్‌ తనతో అసభ్యంగా ప్రవర్తించాడని సంచలన వ్యాఖ్యలు చేసింది.
ఈనేపథ్యంలో ఆమెపై పలుమార్లు హత్యాయత్నాలు జరిగినట్లు మరోసారి సెన్సేషనల్‌ కామెంట్స్ చేసింది తనుశ్రీ. ‘నేను ఉజ్జయినిలో ఉన్నప్పుడు.. నా కారు బ్రేకులను ఎవరో రెండుసార్లు ట్యాంపరింగ్ చేశారు. దీని వల్ల నాకు చాలా ఘోరమైన ప్రమాదం జరిగింది
త్రుటిలో ప్రాణాపాయం నుంచి తప్పించుకున్నాను. నా గాయాలు పూర్తిగా నయం కావడానికి చాలా సమయం పట్టింది’ అని గత అనుభవాలను గుర్తు తెచ్చుకుంది.
ఇంకోసారి తనపై ఎవరో విష ప్రయోగానికి ప్రయత్నించారని తనుశ్రీ పేర్కొంది. ‘నా దగ్గర ఒక మహిళ పనిమనిషిగా పని చేస్తోంది. ఆమె వచ్చిన తర్వాతే నాకు చాలా జబ్బులు వచ్చాయి. నేను తాగే నీళ్లలో ఆమె ఏదో కలిపినట్లు అనిపించింది. అది నాకు విషంలా అనిపించింది’ అని చెప్పుకొచ్చిందీ అందాల తార
కాగా క్యాస్టింగ్‌ కౌచ్‌ ఆరోపణల కారణంగా నానాపటేకర్‌ను హౌస్‌ఫుల్‌3 సినిమాతో పాటు మరికొన్ని సినిమాల నుంచి తొలగించారు. అయితే జూన్ 2019లో.. అతనికి ఈ కేసు విషయంలో కోర్టు నుంచి క్లీన్‌చీట్‌ వచ్చింది.