Game Changer: ఎట్టకేలకు అప్పన్న ఆగమనం.. గేమ్ ఛేంజర్ ట్రైలర్ పైనే అంచనాలు..
ఈ ఏడాది సంక్రాంతికి విడుదలవుతున్న చిత్రాల్లో గేమ్ ఛేంజర్ ఒకటి. మ్యాజిక్ ఫిల్మ్ మేకర్ శంకర్ రూపొందిస్తున్న ఈ సినిమాపై ఇప్పటికే భారీ హైప్ నెలకొంది. జనవరి 10న ఈ మూవీ ప్రపంచవ్యాప్తంగా రిలీజ్ అవుతుండగా.. కొన్ని రోజులుగా ప్రమోషన్స్ జరుగుతున్నాయి. ఈ క్రమంలోనే న్యూఇయర్ వేళ మెగా అభిమానులకు స్పెషల్ ట్రీట్ ఇచ్చారు మేకర్స్.
గ్లోబల్స్టార్ రామ్ చరణ్ భారీ పాన్ ఇండియా మూవీ ‘గేమ్ చేంజర్’కి కౌంట్ డౌన్ షురూ అయ్యింది. డైరెక్టర్ శంకర్ తెరకెక్కిస్తున్న ఈ పొలిటికల్ యాక్షన్ డ్రామా పై అంచనాలు రోజు రోజుకీ పెరుగుతున్నాయి. మెగాభిమానులు, ప్రేక్షకులు సినిమాను ఎప్పుడెప్పుడు చూద్దామా! అని ఎగ్జయిట్మెంట్తో వెయిట్ చేస్తున్నారు.
సంక్రాంతి కానుకగా ఈ సినిమాను జనవరి 10న విడుదల చేయనున్నారు. కొన్ని రోజులుగా ఈ మూవీ ప్రమోషన్స్ జోరుగా సాగుతున్నాయి. అందులో భాగంగా జనవరి 2న ‘గేమ్ చేంజర్’ ట్రైలర్ను విడుదల చేసి న్యూ ఇయర్ ట్రీట్ను అందించటానికి సిద్ధమైంది చిత్రయూనిట్.
ఇప్పటి వరకు ‘గేమ్ చేంజర్’ నుంచి వచ్చిన సాంగ్స్, టీజర్, పోస్టర్స్, ప్రమోషనల్ కంటెంట్తో ఎక్స్పెక్టేషన్స్ పీక్స్కి చేరుకున్నాయి. ఇప్పుడు ట్రైలర్ కోసం అందరూ ఎంతో ఆసక్తిగా ఎదురు చూస్తున్నారు. స్టార్ డైరెక్టర్ శంకర్ ప్రపంచంలో గ్లోబల్ స్టార్ ఎలా ఉంటాడో చూడాలని అందరూ వెయిట్ చేస్తున్నారు.
గ్లోబల్ స్టార్ రామ్ చరణ్.. గేమ్ చేంజర్ చిత్రంలో రెండు పవర్ఫుల్ పాత్రల్లో మెప్పించనున్నారు. కియారా అద్వానీ హీరోయిన్గా నటించగా, అంజలి, ఎస్.జె.సూర్య, శ్రీకాంత్, సముద్రఖని, సునీల్, నవీన్ చంద్ర తదితరులు ఇతర కీలక పాత్రల్లో నటించారు.
ఈ చిత్రానికి ఎస్.ఎస్.తమన్ సంగీతం అందిస్తుండగా శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్పై దిల్ రాజు, శిరీష్ అన్కాంప్రమైజ్డ్గా నిర్మించారు. తెలుగు, తమిళ, హిందీ భాషల్లో ఈ మూవీ జనవరి 10న ప్రపంచ వ్యాప్తంగా రిలీజ్ అవుతోంది.