ఈ ఏడాది ఫస్ట్ మూడు క్వార్టర్స్లో టాలీవుడ్ స్క్రీన్ మీద మిక్స్డ్ రిజల్ట్సే కనిపించాయి. అందుకే ఏడాది చివర్లో రాబోయే సినిమాల మీద ఫోకస్ పెరిగింది. అందుకు తగ్గట్టుగా ఇంట్రస్టింగ్ కాన్సెప్ట్స్తో వస్తున్న భారీ బడ్జెట్ సినిమాలు రిలీజ్కు రెడీ అవుతుండటంతో ఈ ఏడాది ముంగిపు భారీగానే ఉండబోతుందని ఎక్స్పెక్ట్ చేస్తున్నారు ఫ్యాన్స్.
ఆగస్టు నెలాఖరున సరపోదా శనివారం సినిమాతో ఆడియన్స్ను పలకరించబోతున్నారు నేచురల్ స్టార్ నాని. ఇప్పటికే రిలీజ్ అయిన అప్డేట్స్తో ఈ సినిమా మీద పాజిటివ్ బజే కనిపిస్తోంది. ఇక సెప్టెంబర్ 27న మోస్ట్ అవెయిటెడ్ దేవర ఆడియన్స్ ముందుకు రాబోతోంది.
ఈ సినిమా మీద ఇప్పటికే భారీ హైప్ క్రియేట్ అయ్యింది. సెప్టెంబర్ స్టార్టింగ్లోనే విజయ్ ది గోట్ ఆడియన్స్ ముందుకు రానుంది. అక్టోబర్లోనూ క్రేజీ మూవీస్ రిలీజ్కు క్యూ కడుతున్నాయి.
రజనీకాంత్ హీరోగా తెరకెక్కిన వేట్టయన్, సూర్య లీడ్ రోల్లో నటించిన కంగువ సినిమాలు అక్టోబర్ 10న ఒకే రోజు ప్రేక్షకుల ముందుకు వస్తున్నాయి దీంతో ఈ ఏడాది ఇదే బిగ్గెస్ట్ క్లాష్ అంటున్నారు ఫ్యాన్స్. అదే నెలలో దుల్కర్ సల్మాన్ లక్కీ భాస్కర్, విశ్వక్సేన్ మెకానిక్ రాకీ సినిమాలు కూడా ప్రేక్షకుల ముందుకు వస్తున్నాయి.
ప్రస్తుతానికి నవంబర్లో ఒక్క సిద్దూ జొన్నలగడ్డ మాత్రమే రిలీజ్కు డేట్ లాక్ చేశారు. నవంబర్ 9న తెలుసు కదా మూవీ ఆడియన్స్ ముందుకు రానుంది. మరికొన్ని సినిమాలు ఈ సీజన్లో డేట్స్ లాక్ చేసే ఛాన్స్ ఉంది. ఇక డిసెంబర్ 6న మోస్ట్ అవెయిటెడ్ పుష్ప 2 ప్రేక్షకుల ముందుకు రానుంది.
తొలి భాగంతో పాన్ ఇండియా రేంజ్లో సెన్సేషన్ క్రియేట్ చేసిన పుష్ప రాజ్, ఈ సారి భారీ టార్గెట్తో బరిలో దిగుతున్నారు. రామ్ చరణ్ శంకర్ కాంబినేషన్లో తెరకెక్కుతున్న గేమ్ చేంజర్ కూడా డిసెంబర్లోనే ప్రేక్షకుల ముందుకు వచ్చే ఛాన్స్ కనిపిస్తోంది.
ఆ తరువాత నెల గ్యాప్లో మెగాస్టార్ చిరంజీవి హీరోగా రూపొందుతున్న విశ్వంభర సంక్రాంతి కానుకగా ప్రేక్షకుల ముందుకు వచ్చేందుకు రెడీ అవుతోంది. ఇలా వరుసగా ఐదు నెలల పాటు బాక్సాఫీస్ దగ్గర బిగ్ మూవీస్ సందడికి డేట్స్ లాక్ అవ్వటంతో సినీ అభిమానులు పండగ చేసుకుంటున్నారు.