Meenakshi Choudhary : చిరంజీవి విశ్వంభర సినిమాలో మీనాక్షి చౌదరి.. హీరోయిన్ రియాక్షన్ ఇదే..
మెగాస్టార్ చిరంజీవి ప్రధాన పాత్రలో తెరకెక్కుతున్న చిత్రం విశ్వంభర. ఇందులో త్రిష కథానాయికగా నటిస్తుండగా.. డైరెక్టర్ వశిష్ట దర్శకత్వం వహిస్తున్నారు. ఈ సినిమా హీరోయిన్ మీనాక్షి చౌదరి నటిస్తున్నట్లుగా కొన్ని రోజులుగా వార్తలు వినిపిస్తున్నాయి. తాజాగా లక్కీ భాస్కర్ మూవీ ప్రమోషన్లలో క్లారిటీ ఇచ్చింది మీనాక్షి.
ప్రస్తుతం టాలీవుడ్ ఇండస్ట్రీలో వరుస ఆఫర్స్ అందుకుంటున్న హీరోయిన్లలో మీనాక్షి చౌదరి ఒకరు. ఇచ్చట వాహనములు నిలుపరాదు సినిమాతో తెలుగు తెరకు పరిచయమైంది ఈ బ్యూటీ. ఆ తర్వాత ఆడపాదడపా చిత్రాల్లో నటించింది.
అడివి శేష్ నటించిన హిట్ 2 చిత్రంతో భారీ విజయాన్ని ఖాతాలో వేసుకుంది. ఈ సినిమాతో మంచి క్రేజ్ సంపాదించుకున్న ఈ వయ్యారి.. ఆ తర్వాత మహేష్ బాబు నటించిన గుంటూరు కారం చిత్రంలో మెరిసింది.
ప్రస్తుతం మెగా హీరో వరుణ్ తేజ్ సరసన మట్కా చిత్రంలో నటిస్తుంది. అలాగే ఈ అమ్మడు నటించిన లక్కీ భాస్కర్ చిత్రం అక్టోబర్ 31న విడుదల కానుంది. ఇందులో మలయాళీ స్టార్ దుల్కర్ సల్మాన్ హీరో.
ఈ సినిమా ప్రమోషన్లలో పాల్గొన్న ఈ బ్యూటీ.. తాజాగా మెగాస్టార్ చిరంజీవి నటిస్తున్న విశ్వంభర మూవీ గురించి ఆసక్తికర కామెంట్స్ చేసింది. ఈ చిత్రంలో తాను భాగం కాదని.. అందులో నటిస్తున్నట్లు తానేప్పుడు చెప్పలేదని అన్నారు.
కానీ అందులో నటిస్తున్నట్లు ప్రచారం జరుగుతుందని.. ప్రతి ఇంటర్వ్యూలో విశ్వంభర గురించి ప్రశ్న అడుగుతున్నారని.. తాను నటించే సినిమాల గురించి స్యయంగా వెల్లడిస్తానని అన్నారు.