Cinema : 6 కోట్లతో తీస్తే రూ.16 కోట్ల కలెక్షన్స్.. థియేటర్లలో దుమ్మురేపుతున్న చిన్న సినిమా..
కేవలం రూ. 6 కోట్ల బడ్జెట్తో నిర్మించిన ఒక చిన్న హారర్ కామెడీ చిత్రం బాక్సాఫీస్ వద్ద భారీ లాభాలను తెచ్చిపెట్టింది. ఇప్పుడు థియేటర్లలో ప్రదర్శన ముగిసిన నేపథ్యంలో, ఈ చిత్రం ఎంత డబ్బు సంపాదించిందో , ఎంత లాభం వచ్చిందనే విషయాలు ఇప్పుడు సోషల్ మీడియాలో తెగ వైరలవుతున్నాయి. ఇంతకీ ఆ సినిమా ఏంటీ.. అసలు ఏంటీ కథాంశం ఉంటుంది.
'తుంబాడ్చి మంజుల' చిత్రం జూన్ 5న థియేటర్లలో విడుదలైంది. ఈ చిత్రానికి ప్రేక్షకుల, విమర్శకుల నుంచి అద్భుతమైన స్పందన లభించడంతో పాటు బాక్సాఫీస్ వద్ద భారీ లాభాలను కూడా తెచ్చిపెట్టింది. ఇప్పుడు ఈ సినిమా థియేట్రికల్ రన్ ముగిసింది. చాలా తక్కువ బడ్జెట్తో నిర్మించిన ఈ చిత్రం భారీ వసూళ్లతో దుమ్మురేపుతుంది. ఈ సినిమా బడ్జెట్ కేవలం రూ. 6 కోట్లు. ఈ హారర్ కామెడీ చిత్రం బాక్సాఫీస్ వద్ద రూ. 16.39 కోట్ల వసూళ్లను రాబట్టింది. కాగా, ఈ సినిమాపై పెట్టుబడి రాబడి రూ. 10.36 కోట్లుగా ఉంది.
'తుంబడ్చి మంజుల' సినిమా లాభాల శాతం 172.66%. విదీష్ కోర్గాంకర్ దర్శకత్వం వహించిన ఈ చిత్రంలో ఓం భూత్కర్, సాయి తమంకర్, జితేంద్ర జోషి ప్రధాన పాత్రలు పోషించారు. మకరంద్ అనస్పురే, అన్షుమాన్ విచారే, ప్రియల్ నాయక్, గణేష్ పండిట్, ఉమేష్ జగ్తాప్, యోగేష్ శిర్సత్, సిద్ధేశ్వర్ జడ్బుకే కూడా ముఖ్య పాత్రలు పోషించారు. ఇది కన్నడ రచయిత-దర్శకుడి సు ఫ్రమ్ సో సినిమాకు అధికారిక రీమేక్. ఈ మరాఠీ సినిమా కథ కొంకణ్లోని ఒక గ్రామంలో జరుగుతుంది.
అక్కడ ఒక పెళ్లి వేడుక జరుగుతుండగా, ఆ గ్రామానికి చెందిన కేశవ్ అనే యువకుడిని దెయ్యం ఆవహించిందనే వార్త వ్యాపిస్తుంది. కరుణాకర్ గురూజీ గారి ప్రయత్నాల వల్ల, కేశవ్ శరీరంలో ఉన్న దెయ్యం తుంబాడ్ గ్రామానికి చెందిన మంజులదేనని నిర్ధారణ అవుతుంది. ఈ తుంబాడ్ మంజుల ఎవరు, ఆమె దెయ్యం కేశవ్ను ఎందుకు వెంటాడుతోంది, తుంబాడ్ గ్రామంలో నిజంగానే మంజుల ఉందా, కరుణాకర్ గురూజీ ఆ దెయ్యాన్ని తరిమికొట్టడంలో సఫలమవుతారా? ఈ ప్రశ్నలన్నింటికీ సమాధానాలు 'తుంబాడ్చి మంజుల' చిత్రంలో చాలా హాస్యభరితంగా లభిస్తాయి.
హారర్ ఎలిమెంట్స్కు బలమైన కామెడీని జోడించి మరాఠీ నేటివిటీకి తగినట్లుగా మలిచిన విధానం ప్రేక్షకులను థియేటర్లకు కట్టిపడేసింది. తక్కువ ఖర్చుతో అద్భుతమైన వినోదాన్ని అందిస్తే ప్రేక్షకులు ఎప్పుడూ ఆదరిస్తారని "తుంబాడ్చి మంజుల" సాధించిన ఘన విజయం మరోసారి నిరూపించింది. సాయి తంహంకర్, జితేంద్ర జోషి, ఓం భూత్కర్, మకరంద్ అనాస్పురే లాంటి అగ్ర నటీనటుల అద్భుతమైన నటన ఈ చిత్ర విజయంలో కీలక పాత్ర పోషించింది.
మరాఠీ చిత్ర పరిశ్రమలో అప్పుడప్పుడు కొన్ని చిన్న బడ్జెట్ సినిమాలు బాక్సాఫీస్ వద్ద భారీ సంచలనాలు సృష్టిస్తుంటాయి. అలా ఇటీవల కాలంలో అతి తక్కువ బడ్జెట్తో విడుదలై, అత్యంత భారీ లాభాలను ఆర్జించిన బ్లాక్బస్టర్ సినిమానే "తుంబాడ్చి మంజుల" ప్రముఖ దర్శకుడు వివిధ్ కోర్గాంకర్ దర్శకత్వంలో రూపొందిన ఈ హారర్-కామెడీ డ్రామా బాక్సాఫీస్ వద్ద రికార్డు స్థాయి కలెక్షన్లతో దూసుకెళ్లింది. ఈ సినిమా సినిమా ఓటీటీ (OTT) ప్రసార హక్కులను ప్రముఖ ఓటీటీ సంస్థ ZEE5 దక్కించుకుంది.