Overseas Market: ఓవర్సీస్ మార్కెట్ లెక్క మారిందా.? టాలీవుడ్ సినిమాలకు పట్టం కట్టనున్నారా.?
హనుమాన్ సంచలనాలు చూసాక.. ఓవర్సీస్ మార్కెట్ అంచనా వేయడం కూడా కష్టమైపోతుంది. రాజమౌళి, ప్రభాస్ సినిమాలంటే విదేశాల నుంచే వందల కోట్లు వసూలు చేస్తుంటాయి. కానీ వాళ్లు కాకుండా మరే సినిమాకు 5 మిలియన్ కూడా రాలేదు. తాజాగా హనుమాన్ ఆ రేర్ ఫీట్ చేసి చూపించింది. దాంతో స్టార్ హీరోల సినిమాలకు రెక్కలొచ్చేసాయి.
Bahubali 2
ఇప్పుడు దేవర హక్కులు 27 కోట్లకు కొన్నారని తెలుస్తుంది. ఇదే నిజమైతే బ్రేక్ ఈవెన్ కోసమే 5 మిలియన్ డాలర్స్ వసూలు చేయాల్సి ఉంటుంది. ట్రిపుల్ ఆర్ ఎఫెక్ట్ చరణ్, తారక్ సినిమాలపై కనిపిస్తుంది.
మొన్నటికి మొన్న గుంటూరు కారం ఓవర్సీస్ రైట్స్ 20 కోట్ల వరకు అమ్ముడయ్యాయి. అలాగే రామ్ చరణ్, శంకర్ గేమ్ ఛేంజర్ సినిమా ఓవర్సీస్ హక్కులు 22 కోట్లకు అమ్ముడైనట్లు ప్రచారం జరుగుతుంది.
Hanuman Movie
ఈ మధ్య కాలంలో ఓవర్సీస్ మార్కెట్ భారీగా పెరిగిన మాట వాస్తవమే. అలాగని భారీ రేట్ పెట్టి కొనేస్తే.. బ్రేక్ ఈవెన్ కష్టమైపోతుంది. ఓవర్సీస్లో లాభాలు రావడం అంటే చిన్న విషయం కాదు.. స్టార్ హీరోల సినిమాల టార్గెట్ ఎక్కువగా ఉంటుంది కాబట్టి కాస్త లెక్కలేసుకుని రైట్స్ తీసుకోవడం మంచిదనేది విశ్లేషకుల అభిప్రాయం. చూడాలిక ఏం జరుగుతుందో..?
చిరంజీవి, వశిష్ట కాంబినేషన్లో వస్తున్న పాన్ ఇండియన్ సినిమా విశ్వంభర ఓవర్సీస్ రైట్స్ 18 కోట్లకు ఓ ప్రముఖ సంస్థ చేజిక్కించుకున్నట్లు తెలుస్తుంది. అలాగే పవన్ కళ్యాణ్ OG రైట్స్ సైతం 17 కోట్లకు అమ్ముడయినట్లు ప్రచారం జరుగుతుంది. ఇవన్నీ బ్రేక్ ఈవెన్ చేరుకోవాలన్నా.. వాళ్ల వాళ్ల కెరీర్లో పాత రికార్డులన్నింటినీ తుడిచేయాల్సి ఉంటుంది.