11 సినిమాలతో మొదలై.. స్పెషల్ సాంగ్స్‌తో సెన్సేషన్.. ఈ బ్యూటీ ఆస్తులు తెలిస్తే షాకవ్వాల్సిందే
సినిమా ఇండస్ట్రీలో అందం, అభినయంతో గుర్తింపు తెచ్చుకునే హీరోయిన్లు కొందరైతే.. గ్లామర్‌తో పాటు స్పెషల్ సాంగ్స్ ద్వారా భారీ క్రేజ్ సంపాదించుకునే భామలు మరికొందరు. ముఖ్యంగా ఒకప్పుడు హీరోయిన్‌గా సినిమాలు చేసినప్పటికీ, ఆ తర్వాత ఐటమ్ సాంగ్స్‌తో ప్రేక్షకులకు మరింత దగ్గరైన నటీమణులు చాలామంది ఉన్నారు.
సినిమా ఇండస్ట్రీలో అందం, అభినయంతో గుర్తింపు తెచ్చుకునే హీరోయిన్లు కొందరైతే.. గ్లామర్‌తో పాటు స్పెషల్ సాంగ్స్ ద్వారా భారీ క్రేజ్ సంపాదించుకునే భామలు మరికొందరు. ముఖ్యంగా ఒకప్పుడు హీరోయిన్‌గా సినిమాలు చేసినప్పటికీ, ఆ తర్వాత ఐటమ్ సాంగ్స్‌తో ప్రేక్షకులకు మరింత దగ్గరైన నటీమణులు చాలామంది ఉన్నారు. అలాంటి వారిలో బాలీవుడ్ బ్యూటీ ఊర్వశి రౌటేలా ఒకరు. సినిమాల కంటే ప్రత్యేక పాటలు, గ్లామరస్ లుక్స్, సోషల్ మీడియా పోస్టులతో ఎక్కువగా వైరల్ అవుతుంది. ఊర్వశి రౌటేలా పేరు వినగానే చాలామందికి గుర్తొచ్చేది ఆమె గ్లామరస్ లుక్స్. మోడల్‌గా కెరీర్ ప్రారంభించిన ఈ భామ, అందాల పోటీల ద్వారా మంచి గుర్తింపు తెచ్చుకుంది.
చిన్న వయసులోనే ఫ్యాషన్ రంగంలోకి అడుగుపెట్టి తనకంటూ ప్రత్యేక గుర్తింపు సంపాదించుకుంది. ఊర్వశి మిస్ టీన్ ఇండియా టైటిల్‌తో పాటు పలు అందాల పోటీల్లో విజయాలు అందుకుంది. 2015లో మిస్ యూనివర్స్ పోటీల్లో భారత్ తరఫున పాల్గొని అందరి దృష్టిని ఆకర్షించింది. దీంతో ఆమెకు మోడలింగ్ రంగంలో మరిన్ని అవకాశాలు వచ్చాయి. 2013లో వచ్చిన సింగ్ సాబ్ ది గ్రేట్ సినిమాతో ఊర్వశి వెండితెరకు పరిచయమైంది. ఆ తర్వాత సనం రే, గ్రేట్ గ్రాండ్ మస్తీ, హేట్ స్టోరీ 4, పాగల్‌పంతీ వంటి సినిమాల్లో నటించింది. అయితే హీరోయిన్‌గా ఆశించిన స్థాయిలో వరుస విజయాలు అందుకోలేకపోయింది.
హీరోయిన్‌గా సినిమాలు చేస్తున్న సమయంలోనే ప్రత్యేక పాటల్లో కనిపించడం ప్రారంభించింది. హసీనో కా దీవానా, బాస్ పార్టీ, వైల్డ్ సాలా, కల్ట్ మామా వంటి పాటల్లో తన గ్లామర్‌తో ప్రేక్షకులను ఆకట్టుకుంది. ముఖ్యంగా సౌత్ ఇండియన్ సినిమాల్లో చేసిన స్పెషల్ అపియరెన్స్‌లు ఆమెకు మంచి గుర్తింపు తీసుకొచ్చాయి. తెలుగు ప్రేక్షకులకు కూడా ఊర్వశి సుపరిచితమే. వాల్తేరు వీరయ్య సినిమాలో బాస్ పార్టీ పాటతో పాటు ఏజెంట్, బ్రో, స్కంద సినిమాల్లో ప్రత్యేక పాటలు, పాత్రల్లో కనిపించింది. బాలకృష్ణ నటించిన డాకు మహారాజ్ సినిమాలోనూ కీలక పాత్ర పోషించి తెలుగు ప్రేక్షకులకు మరింత దగ్గరైంది. ఊర్వశి కెరీర్‌ను గమనిస్తే ఆమె కేవలం ఐటమ్ సాంగ్స్‌కే పరిమితం కాలేదని తెలుస్తుంది. జేఎన్‌యూ: జహంగీర్ నేషనల్ యూనివర్సిటీ, ఘుస్పైఠియా, డాకు మహారాజ్, జాట్ వంటి సినిమాల్లోనూ నటించింది.
సినిమాలతో పాటు సోషల్ మీడియాలోనూ ఊర్వశికి మంచి క్రేజ్ ఉంది. తన ఫ్యాషన్ ఫోటోషూట్స్, ఖరీదైన దుస్తులు, విదేశీ పర్యటనలు, లగ్జరీ లైఫ్‌స్టైల్‌కు సంబంధించిన పోస్టులతో తరచూ వార్తల్లో నిలుస్తుంటుంది. ఆమె ప్రతి ఫోటోషూట్ అభిమానుల్లో ఆసక్తిని పెంచుతోంది. గతంలో భారత క్రికెటర్ రిషబ్ పంత్‌తో ఊర్వశి పేరు ముడిపెట్టి అనేక వార్తలు వచ్చాయి. ఇద్దరి మధ్య పరిచయం, వ్యక్తిగత సంబంధాలపై సోషల్ మీడియాలో పెద్ద చర్చ జరిగింది. ఈ వ్యవహారం అప్పట్లో మాత్రం బాగా హాట్ టాపిక్‌గా మారింది.
బాలీవుడ్ నిర్మాత భూషణ్ కుమార్‌తో ఊర్వశికి ఉన్న పరిచయంపై కూడా గతంలో పలు రకాల ప్రచారాలు జరిగాయి. సినిమా అవకాశాల నేపథ్యంలో వీరిద్దరి గురించి రకరకాల కథనాలు వెలువడ్డాయి. అయితే వారి మధ్య వ్యక్తిగత సంబంధాలపై వచ్చిన వార్తలకు అధికారిక ఆధారాలు లేవు. ఊర్వశి రౌటేలా ఆస్తుల విలువ ఏకంగా రూ.700 కోట్లు ఉంటుందనే ప్రచారం సోషల్ మీడియాలో కనిపిస్తుంటుంది. సినిమాలు, బ్రాండ్ ప్రమోషన్లు, మ్యూజిక్ వీడియోలు, ఇతర వ్యాపార కార్యకలాపాల ద్వారా ఆమె భారీ ఆదాయం సంపాదిస్తోందని కథనాలు వస్తుంటాయి.