Riteish Deshmukh: తెలుగు సబ్జెక్ట్‌నే సెలెక్ట్ చేసుకున్న రితేష్.. ఏంటా సబ్జెక్ట్‌.?
బాలీవుడ్ హీరో రితేష్ దేశ్‌ముఖ్‌ అంటే మన ఆడియన్స్‌కు పెద్దగా పరిచయం లేకపోయినా... మన హాసిని భర్త రితేష్ అంటే మాత్రం వెంటనే గుర్తు పట్టేస్తారు ఆడియన్స్‌. రీసెంట్ దర్శకుడిగా మారిన ఈ బాలీవుడ్ హీరో అందుకోసం ఓ తెలుగు సబ్జెక్ట్‌నే సెలెక్ట్ చేసుకున్నారు. ఈ సినిమా సక్సెస్ ఇచ్చిన కాన్ఫిడెన్స్‌తో ఇప్పుడు మరో క్రేజీ ప్రాజెక్ట్‌ను లైన్‌లో పెట్టేస్తున్నారు రితేష్.
రీసెంట్‌గా వేద్ సినిమాతో బ్లాక్ బస్టర్ హిట్ అందుకున్నారు బాలీవుడ్ హాట్ కపుల్‌ రితేష్ దేశ్‌ముఖ్‌, జెనిలియా. సౌత్‌లో సూపర్ హిట్ అయిన మజిలి సినిమాకు రీమేక్‌గా తెరకెక్కిన ఈ సినిమా నార్త్‌లోనూ మంచి వసూళ్లు సాధించింది. ఈ మూవీతో తొలిసారిగా మెగాఫోన్ పట్టిన రితేష్, ఫస్ట్ అటెంప్ట్‌లోనే సూపర్ హిట్ అందుకొని సత్తా చాటారు.
వేద్ సక్సెస్ ఇచ్చిన ధైర్యంతో ఓ మెగా ప్రాజెక్ట్‌ను డైరెక్ట్ చేసేందుకు రెడీ అవుతున్నారు రితేష్. తాజాగా ఆయన తర్వాత చేయబోయే సినిమాకు సంబంధించిన అఫీషియల్ ఎనౌన్స్‌మెంట్‌ కూడా ఇచ్చారు.
సోమవారం ఛత్రపతి శివాజీ మహరాజ్‌ జయంతి సందర్భంగా ఓ హిస్టిరికల్ మూవీని ఎనౌన్స్ చేశారు రితేష్. రాజా శివాజీ పేరుతో తెరకెక్కుతున్న ఈ సినిమాలో టైటిల్‌ రోల్‌లో నటించటంతో పాటు స్వయంగా దర్శకత్వం కూడా వహించబోతున్నారు.
చాలా కాలంగా శివాజీ కథతో సినిమా చేయాలన్నది రితేష్ కోరిక. త్వరలోనే ఆ ప్రాజెక్ట్ పట్టాలెక్కనుందని వెల్లడించారు. భారీ బడ్జెట్‌తో పాన్ ఇండియా స్థాయిలో ఈ సినిమాను ప్లాన్ చేస్తున్నారు రితేష్. రీసెంట్ టైమ్స్‌లో ఛత్రపతి కథతో వచ్చిన సినిమాల్లో శరద్‌ కేల్కర్‌ శివాజీగా నటించారు. ఓ మరాఠి సినిమా కోసం త్వరలో అక్షయ్‌ కూడా ఆ పాత్ర పోషిస్తున్నారు.
ఇప్పుడు రితేష్ శివాజీ పాత్రనే సెలెక్ట్ చేసుకోవటం, ప్రస్తుతం ఇండియన్ స్క్రీన్ మీద ఈ జానర్‌ సినిమాలకు మంచి రెస్పాన్స్ వస్తుండటంతో రితేష్ డైరెక్టోరియల్‌ ఛాయిస్‌ మీద ఇంట్రస్టింగ్ డిస్కషన్ జరుగుతోంది.