తగ్గేదేలేదంటున్న అల్లు అర్జున్..భలే ప్లాన్ వేశారుగా..
ముందు ఒకటి.. దాని తర్వాత ఇంకోటి అనే రోజులు ఇప్పుడు లేవు. ఒకటైనా.. రెండైనా.. ఒకదాని పక్కన ఒకటిగా ఉండాలి.. అప్పుడే స్పీడ్ మెయింటెయిన్ అవుతుంది. అసలీ 1టు3ల సంగతేంటి? అంటారా? ఈ విషయం గురించి మనకన్నా బాగా పుష్పరాజ్ అలియాస్ ఐకాన్స్టార్ చెబుతారు. నియర్ ఫ్యూచర్లో ఆయన ప్లానింగ్ గురించి తెలిసిన వారు చెప్పుకుంటున్నారు. మనం కూడా ఓ చెవి అటు వేసేద్దామా...
పుష్పంటే ఫ్లవర్ అనుకుంటివా.. వైల్డ్ ఫైర్ అనేది వినడానికి బోర్ కొట్టేసింది. ఇప్పుడు పుష్ప అంటే బ్రాండ్. ఇండియన్ సినిమా ఇండస్ట్రీలో పుష్పరాజ్ది స్పెషల్ బ్రాండ్. ఆల్ ఇండియా రేంజ్లో ఆ రేంజ్ తెచ్చుకున్న ఐకాన్స్టార్ నెక్స్ట్ ఏ సినిమా చేయబోతున్నారు? త్రివిక్రమ్ సెట్స్ కే ఫిక్స్ అయ్యారా?
సిత్తరాల సిరపడూ అంటూ అల వైకుంఠపురములో మూవీలో చివరిగా మ్యాజిక్ చేసింది త్రివిక్రమ్ - బన్నీ కాంబో. ఇప్పుడు మరోసారి అత్యంత అద్భుతమైన పౌరాణిక గాథతో ప్రేక్షకులకు కనువిందు చేయడానికి రెడీ అవుతున్నారు వీరిద్దరూ.
అల్లు అర్జున్ - త్రివిక్రమ్ సినిమా ఉగాదికి షురూ అవుతుంది. అదే రోజున అట్లీ సినిమాకు కూడా ముహూర్తం పెట్టేశారన్నది అల్లు ఆర్మీలో స్ట్రాంగ్ గా వినిపిస్తున్న మాట. పూజా కార్యక్రమాలు పూర్తయ్యాక ఏ కెప్టెన్ ఫస్ట్ బౌండెడ్ స్క్రిప్ట్ తో వస్తే ఆ సెట్కి వెళ్లడానికి రెడీ అవుతున్నారు ఐకాన్ స్టార్.
లుక్ పరంగానూ, రెండు సినిమాలకూ సెట్ అయ్యేలా హెయిర్ లెంగ్త్ ఉంటుందట. సో, సైడ్ బై సైడ్ త్రివిక్రమ్, అట్లీ సినిమాలను పూర్తి చేసేయాలని భావిస్తున్నారట బన్నీ.
త్రివిక్రమ్ మూవీకి గ్రాఫిక్స్ వర్క్ ఎక్కువగా ఉంటుందనే టాక్ కూడా వినిపిస్తోంది. సో, అట్లీ సినిమా ముందు రిలీజ్ అవుతుందా? లెట్స్ వెయిట్ అండ్ సీ..