Pushpa: థియేటర్లలో అదరగొడుతున్న ‘పుష్ప’ రాజ్.. బన్నీ సినిమాకి సంబంధించిన 9 అద్భుతాలు ఇవే!
స్టైలిష్‌ స్టార్‌ అల్లు అర్జున్‌ హీరోగా సుకుమార్‌ తెరకెక్కించిన 'పుష్ప' చిత్రం ఈరోజు(సెప్టెంబర్‌17)న ప్రపంచవ్యాప్తంగా విడుదలైంది. ఈ సందర్భంగా ఈ సినిమా గురించి కొన్ని ఆసక్తికర విషయాలు తెలుసుకుందాం రండి.
ఇక ఈ సినిమాకు రూ.160-180 కోట్లు ఖర్చు చేశారని భోగట్టా. రెండో భాగం షూటింగ్‌ను ఫిబ్రవరిలో ప్రారంభించేందుకు సన్నాహాలు చేస్తున్నారు.
ఇప్పటివరకు స్టైలిష్‌ పాత్రల్లోనే కనిపించిన బన్నీ ఈ సినిమాలో మొదటిసారిగా లారీ డ్రైవర్‌ పాత్రలో ఊరమాస్‌గా నటించాడు. ఈ సినిమా కోసం ప్రత్యేకంగా చిత్తూరు జిల్లా యాసను కూడా నేర్చుకున్నాడు.
ఎర్రచందనం స్మగ్లింగ్ నేపథ్యంలో కథ ఉండడంతో రియాలిటీ కోసం మారేడుమిల్లి అడవుల్లో ఎక్కువగా షూటింగ్‌ నిర్వహించారు. అదేవిధంగా ఫోమ్‌, ఫైబర్‌తో కలిపి కృత్రిమ ఎర్రచందనం దుంగలను తయారుచేశారు.
అల్లు అర్జున్‌ ‘పుష్పరాజ్‌'గా తయారయ్యేందుకు దాదాపు 2 గంటల సమయం తీసుకునేవారట. తెల్లవారుజాము 4.30 నిద్రలేచి.. ఐదుకల్లా సెట్‌కెళ్లి.. 5 నుంచి 7 వరకూ మేకప్ కోసమే కూర్చునేవారట. షూటింగ్‌ పూర్తయ్యాక మేకప్ తొలగించడానికి మరో 20- 40 నిమిషాలు తీసుకునేవారట.
ఇక రష్మిక కూడా డీగ్లామరైజ్డ్ పాత్రలో కనిపించడానికి బాగానే కష్టపడిందట. కాగా మేకప్ సులభంగా తొలగించుకోవడం కోసం బన్నీ ఓ స్పెషల్‌ నూనెను రష్మికకు రికమెండ్‌ చేశారట.
ఈ సినిమాలో యాక్షన్‌ సీక్వెన్స్ అదిరిపోయాయని సినిమా చూసిన వారు చెబుతున్నారు. అయితే ఇందులోని ఓ యాక్షన్‌ సన్నివేశం కోసం ఏకంగా రూ.6 కోట్లు ఖర్చు పెట్టారట.
సమంత స్పెషల్‌ సాంగ్‌ కోసం రూ. 5కోట్లు ఖర్చుచేశారని తెలుస్తోంది. కాగా ఈ సాంగ్‌ కోసం సామ్‌ రూ. కోటిన్నర వరకు పారితోషకం తీసుకుందట.