Cement Steel Price: సామాన్యులకు శుభవార్త.. భారీగా తగ్గనున్న సిమెంట్, స్టీల్ ధరలు..!
Cement Iron Price: మండిపోతున్న పెట్రోల్, డీజిల్ ధరల నుంచి వాహనదారులకు ఊరట లభించింది. ఇక సిమెంట్ ధరలు కూడా భారీగానే తగ్గే అవకాశం కనిపిస్తోంది. సామాన్యులకు ఊరట కల్పించేందుకు..
Cement Iron Price: మండిపోతున్న పెట్రోల్, డీజిల్ ధరల నుంచి వాహనదారులకు ఊరట లభించింది. ఇక సిమెంట్ ధరలు కూడా భారీగానే తగ్గే అవకాశం కనిపిస్తోంది. సామాన్యులకు ఊరట కల్పించేందుకు ఈ ధరలను తగ్గించే ప్రయత్నాలు చేస్తున్నామని కేంద్ర ఆర్థిక శాఖ మంత్రి నిర్మలా సీతారామన్ శనివారం సాయంత్రం ఒక ప్రకటనలో తెలిపారు.
సిమెంట్ లభ్యత మెరుగు పడటంతో పాటు మెరుగైన లాజిస్టిక్స్ ద్వారా సిమెంట్ ధరను తగ్గించేందుకు చర్యలు తీసుకుంటున్నట్లు ఆమె తెలిపారు. దిగుమతి ఆధారిత ఎక్కువగా ఉన్న ప్లాస్టిక్ ఉత్పత్తులకు ముడి పదార్థాల మధ్యవర్తులపై కస్టమ్స్ సుంకాన్ని సైతం తగ్గించనున్నట్లు ప్రకటించారు.
అంతేకాకుండా ఐరన్, స్టీల్పైనా సంబంధిత కొన్ని ముడి పదార్థాలపై దిగుమతి సుంకం తగ్గించినట్లు తెలిపారు. కొన్ని ఉక్కు ఉత్పత్తులపై ఎగుమతి సుంకం విధించే అవకాశాలున్నట్లు ఆమె స్పష్టం చేశారు.
ఈ ధరలు తగ్గించినట్లయితే సామాన్యులకు ఎంతో మేలు జరగనుంది. సొంతింటి కల నెరవేర్చుకునేందుకు సామాన్యులు సిమెంట్ విషయంలో ఎన్నో ఇబ్బందులు పడాల్సి వస్తోంది. ఇప్పుడు సిమెంట్ ధరలు తగ్గిస్తే ఎంతో ఊరటనిచ్చినట్లవుతుంది.