Oppo Reno 7 5G: భారత్‌లో విడుదలకు సిద్ధంగా ఉన్న ఒప్పో రెనో 7 5జీ స్మార్ట్‌ఫోన్లు..!
Oppo Reno 7 5G: చైనా మొబైల్ మేకర్ ఒప్పో సరికొత్త 5జీ ఫోన్లను భారత మార్కెట్‌లో విడుదల చేసేందుకు సిద్ధమైంది. ఒప్పో రెనో 7 సిరీస్‌లో భాగంగా..
Oppo Reno 7 5G: చైనా మొబైల్ మేకర్ ఒప్పో సరికొత్త 5జీ ఫోన్లను భారత మార్కెట్‌లో విడుదల చేసేందుకు సిద్ధమైంది. ఒప్పో రెనో 7 సిరీస్‌లో భాగంగా వనీలా ఒప్పో రెనో 7 5జీ, ఒప్పో రెనో 7 ప్రొ 5జీ, ఒప్పో రెనో 7ఎస్‌ఈ 5జీ ఫోన్లను అందుబాటులోకి తీసుకువచ్చింది మొబైల్ మేకర్. గత సంవత్సరం వీటిని చైనాలో విడుదల చేసింది.
గత నెలలో ఒప్పో రెనో 7 సిరీస్ భారత ధరలు ఆన్‌లైన్‌లో లీకయ్యాయి. ఇవి చైనీస్ వేరియంట్స్‌ స్పెసిఫికేషన్స్‌నే కలిగి ఉంటాయన్న ప్రచారం కూడా జోరుగా కొనసాగుతోంది. వీటిని భారత్‌లో విడుదల చేసేందుకు రెడీ అవుతోంది కంపెనీ.
వనీలా ఒప్పో రెనో 7 5జీ ధరల భారత్‌లో రూ. 28 వేల నుంచి రూ. 31 వేల మధ్యలో ఉండే అవకాశం ఉంది. ఇక ఒప్పో రెనో 7 ప్రొ5జీ ధర రూ. రూ.41-43 వేల మధ్య ఉండే అవకాశం ఉందని సమాచారం. ఒప్పో రెనో 7 5జీలో క్వాల్‌కామ్ స్నాప్‌డ్రాగన్ 778జీ చిప్‌సెట్ ఉండగా, ప్రొ మోడల్‌లో మీడియా టెక్ డైమెన్సిటీ 1200-మ్యాక్స్ ఎస్‌వోసీని ఉపయోగించారు.
వీటిలో ప్రపంచంలోనే తొలిసారిగా సోనీ ఐఎంఎక్స్ 709 అల్ట్రా-సెన్సింగ్ సెన్సార్ (32 మెగాపిక్సల్), 1/1.56 అంగుళాల ‘ఫ్లాగ్‌షిప్ సోనీ ఐఎంఎక్స్766 సెన్సార్’ (50 మెగాపిక్సల్)ను ఉపయోగించినట్లు తెలుస్తోంది.