BSNL: కేవలం 1 రూపాయికే 24 రోజుల వ్యాలిడిటీ.. బీఎస్ఎన్ఎల్ మతిపోగొట్టే ప్లాన్..!
BSNL Special Plan: ప్రభుత్వ రంగ టెలికాం సంస్థ అయిన బీఎస్ఎన్ఎల్ తన వినియోగదారులకు కోసం అద్భుతమైన ఆఫర్లను అందుబాటులోకి తీసుకువస్తోంది. ఇటీవల కాలం నుంచి బీఎస్ఎన్ఎల్ నెట్‌వర్క్‌ను మరింతగా అభివృద్ధి చేసింది. అయితే ఇప్పుడు కేవలం ఒక రూపాయికే 24 రోజుల పాటు వ్యాలిడిటీని అందిస్తోంది..
BSNL Special Plan: ప్రభుత్వ రంగ సంస్థ బీఎస్ఎన్ఎల్ కేవలం 1 రూపాయికే 24 రోజుల ప్లాన్‌ను అందిస్తోంది. అయితే, మీరు ఈ ప్లాన్‌ను (బీఎస్ఎన్ఎల్ ఆఫర్) తీసుకోవాలనుకుంటే ఇక ఏమాత్రం ఆలస్యం చేయకూడదు. ఎందుకంటే ఈ ఆఫర్ దీపావళి తర్వాత నవంబర్ 9న ముగుస్తుంది. అందుకే మీరు ఆలస్యం చేస్తే, ఈ అవకాశాన్ని కోల్పోతారు. ఈ ప్లాన్‌లో మీకు లభించే ప్రయోజనాలు ఏమిటో తెలుసుకోండి.
ఈ పథకం ఎవరి కోసం? ఈ స్కీమ్‌ బీఎస్ఎన్ఎల్ ఫ్రీడమ్ ఆఫర్‌గా తీసుకువచ్చారు. ప్రభుత్వ రంగ సంస్థ అయిన బీఎస్ఎన్ఎల్ స్వాతంత్ర్య దినోత్సవం సందర్భంగా ఈ ఆఫర్‌ను తీసుకువచ్చింది. ఇది కేవలం 1 రూపాయికే అందిస్తున్నప్పటికీ, ఇతర నెట్‌వర్క్‌ల నుండి బీఎస్ఎన్ఎల్‌కు వచ్చే వినియోగదారులు మాత్రమే దీని ప్రయోజనాన్ని పొందగలరు. అంటే, ఎవరైనా ఇప్పటికే బీఎస్ఎన్ఎల్ వాడుతున్నట్లయితే వారు ఈ ప్రయోజనాన్ని పొందలేరు. కొత్త వినియోగదారులకు మాత్రమే.
మీకు ఏ ప్రయోజనాలు లభిస్తాయి? ఒక రూపాయి ప్లాన్‌లో మీకు 24 రోజుల సర్వీస్ పీరియడ్ లభిస్తుంది. మీరు దేశవ్యాప్తంగా మీకు కావలసినన్ని కాల్స్ కూడా చేసుకోవచ్చు. ఈ ప్లాన్‌లో మీకు ఫ్రీ రోమింగ్ లభిస్తుంది. అంతేకాదు మీకు రోజుకు 100 SMSల ప్రయోజనం కూడా ఉంటుంది. అన్నింటికన్నా ముఖ్యమైన విషయం ఏమిటంటే, ఒక రూపాయికి కస్టమర్‌కు రోజుకు 1 GB డేటా లభిస్తుంది. మీరు మరిన్ని ప్రయోజనాలు పొందాలనుకుంటే దీనికి ఇతర ప్లాన్‌లను కూడా జోడించుకోవచ్చు.
BSNL వద్ద ఒక గొప్ప ప్లాన్: ఈసారి ప్రభుత్వ రంగ సంస్థ అయిన BSNL తన పోటీ టెలికాం కంపెనీలతో పోలిస్తే చౌకైన ప్లాన్‌ను తీసుకువచ్చింది. ఈ కంపెనీ 365 రోజుల కోసం ఈ ప్లాన్‌ను ప్రవేశపెట్టింది. దీనిలో వినియోగదారుడు రోజుకు 3 GB డేటా ప్రయోజనాన్ని పొందుతాడు. దీనితో పాటు అపరిమిత కాల్స్‌తో పాటు మరిన్ని ప్రయోజనాలు కూడా ఉన్నాయి. ఇటీవల బీఎస్ఎన్ఎల్ ఈ చిత్రాన్ని తన సోషల్ మీడియా హ్యాండిల్‌లో పంచుకుంది.
365 రోజుల ప్లాన్ ధర ఎంత ఉంటుంది? ఈ ప్లాన్‌లో కస్టమర్‌కు ప్రతిరోజూ 3 GB డేటా లభిస్తుంది. మొత్తం మీద ఈ 365 రోజుల ప్లాన్ ధర 2799 రూపాయలు అవుతుంది. ఇది కాకుండా మీకు భారతదేశం అంతటా అపరిమిత కాల్స్ ప్రయోజనం లభిస్తుంది. దేశవ్యాప్తంగా ఉచిత రోమింగ్ ప్రయోజనం కూడా ఉంది. దీనితో పాటు, 100 SMSలు, హై-స్పీడ్ డేటా కూడా ఉన్నాయి.