RBI: నిబంధనలు ఉల్లంఘించిన ఈ మూడు బ్యాంకులపై ఆర్బీఐ జరిమానా!
మెహసానా జిల్లా పంచాయితీ కర్మర సహకారి బ్యాంక్ ప్రుడెన్షియల్ ఇంటర్-బ్యాంక్ కౌంటర్‌పార్టీ ఎక్స్‌పోజర్ పరిమితిని ఉల్లంఘించిందని, అర్హత ఉన్న మొత్తాన్ని డిపాజిటర్ ఎడ్యుకేషన్ అండ్ అవేర్‌నెస్ ఫండ్‌కు బదిలీ చేయలేదని అందువల్ల బ్యాంకుపై పెనాల్టీ విధించినట్లు ప్రకటన పేర్కొంది. అదేవిధంగా హాలోల్ అర్బన్ కో-ఆపరేటివ్ బ్యాంక్‌కు జరిమానా విధించబడింది. ఎందుకంటే బ్యాంక్ డైరెక్టర్లలో ఒకరి బంధువు హామీదారుగా ఉన్న చోట బ్యాంకు రుణాన్ని..
రిజర్వ్ బ్యాంక్ ఆఫ్ ఇండియా నిబంధనలను పాటించని సహకార బ్యాంకులపై చర్య తీసుకోవడం ద్వారా పెట్టుబడిదారుల డబ్బును రక్షించడానికి ప్రయత్నిస్తుంది. నిబంధనలను ఉల్లంఘించినందుకు గాను నాలుగు సహకార బ్యాంకులకు జరిమానాలు విధించినట్లు భారతీయ రిజర్వ్ బ్యాంక్ ఒక పత్రికా ప్రకటనలో తెలియజేసింది. ఈ 4 బ్యాంకుల్లో 3 గుజరాత్‌కు చెందినవే కావడం గమనార్హం.
ఆర్‌బిఐ జరిమానా విధించిన బ్యాంకుల్లో హలోల్ అర్బన్ కో-ఆపరేటివ్ బ్యాంక్, మెహసానా జిల్లా పంచాయతీ కర్మరా సహకరి బ్యాంక్, నవసర్జన్ ఇండస్ట్రియల్ కో-ఆపరేటివ్ బ్యాంక్ మరియు స్తంభాద్రి కో-ఆపరేటివ్ అర్బన్ బ్యాంక్ ఉన్నాయి.
నవసర్జన్ ఇండస్ట్రియల్ కో-ఆపరేటివ్ బ్యాంక్‌కు రూ.7 లక్షలు, మెహసానా జిల్లా పంచాయతీ ఉద్యోగుల సహకార బ్యాంకుకు రూ.3 లక్షలు, హలోల్ అర్బన్ కో-ఆపరేటివ్ బ్యాంక్‌కు రూ.2 లక్షలు జరిమానా విధించినట్లు ఆర్బీఐ ఒక ప్రకటనలో తెలిపింది. స్తంభాద్రి కో-ఆపరేటివ్ అర్బన్ బ్యాంకుకు రూ.50 వేలు జరిమానా విధించారు.
నవ్‌సర్జన్ ఇండస్ట్రియల్ కో-ఆపరేటివ్ బ్యాంక్ ఇంటర్-బ్యాంక్ గ్రాస్, కౌంటర్‌పార్టీ ఎక్స్‌పోజర్ పరిమితులను బ్యాంక్ ఉల్లంఘించినందున జరిమానా విధించబడింది.
మెహసానా జిల్లా పంచాయితీ కర్మర సహకారి బ్యాంక్ ప్రుడెన్షియల్ ఇంటర్-బ్యాంక్ కౌంటర్‌పార్టీ ఎక్స్‌పోజర్ పరిమితిని ఉల్లంఘించిందని, అర్హత ఉన్న మొత్తాన్ని డిపాజిటర్ ఎడ్యుకేషన్ అండ్ అవేర్‌నెస్ ఫండ్‌కు బదిలీ చేయలేదని అందువల్ల బ్యాంకుపై పెనాల్టీ విధించినట్లు ప్రకటన పేర్కొంది.
అదేవిధంగా హాలోల్ అర్బన్ కో-ఆపరేటివ్ బ్యాంక్‌కు జరిమానా విధించబడింది. ఎందుకంటే బ్యాంక్ డైరెక్టర్లలో ఒకరి బంధువు హామీదారుగా ఉన్న చోట బ్యాంకు రుణాన్ని మంజూరు చేసింది. గతంలో పలు సహకార బ్యాంకుల లైసెన్సులను కూడా నిబంధనలకు విరుద్ధంగా రిజర్వ్ బ్యాంక్ రద్దు చేసింది.