ఈ గింజలు రోజూ గుప్పెడు తింటే చాలు.. ఇలాంటి అద్భుత ప్రయోజనాలు మీ సొంతం..!
ఆరోగ్యకరమైన చిరుతిళ్లలో వేయించిన శనగలు అందరూ ఇష్టంగా తింటారు. అయితే, వీటిని రోజూ తినడం వల్ల ఎన్నో రకాల ఆరోగ్య ప్రయోజనాలను ఉన్నాయంటున్నారు నిపుణులు. కానీ, వీటిని ఎక్కువగా తినడం కూడా మంచిది కాదంటున్నారు. మరి రోజుకు ఎన్ని గ్రాముల వేయించిన శనగలు తింటే మంచిదో ఇక్కడ తెలుసుకుందాం.
చాలా మంది సాయంత్రం కాగానే ఏ స్నాక్‌ ఐటమ్‌ తినాలని ఆలోచిస్తుంటారు. అలాంటిది ఇప్పుడు వచ్చేది వర్షాకాలం..ఈ సమయంలో ఇలాంటి కోరికలు మరీ ఎక్కువగా ఉంటాయి. అయితే, బయట దొరికే ఫాస్ట్‌ఫుడ్‌, జంక్‌ఫుడ్‌ వంటి వాటిని తినడం వల్ల ఎటువంటి లాభం లేకపోగా, అవి ఆరోగ్యానికి అంత మంచివి కాదనే విషయం అందరికీ తెలిసిందే.అందుకే ఇలా స్నాక్స్‌గా ఏదైనా తినాలనుకునే వారు వేయించిన శనగలను తినడం వల్ల ఎన్నో రకాల ఆరోగ్య ప్రయోజనాలను పొందవచ్చని అంటున్నారు ఆరోగ్య నిపుణులు.. మరి రోజూ వేయించిన శనగలు తింటే ఏమవుతుందో తెలుసుకుందాం.
వేయించిన శనగలలో ఫైబర్, పొటాషియం, ఒమేగా-3 ఫ్యాటీ ఆమ్లాలు పుష్కలంగా ఉంటాయి. ఇవి గుండె ఆరోగ్యాన్ని మెరుగుపరుస్తాయని నిపుణులంటున్నారు. అలాగే ఇందులో ఉండే ఫైబర్ చెడు కొలెస్ట్రాల్ (LDL) స్థాయిలను తగ్గించి, గుండె జబ్బుల ప్రమాదాన్ని తగ్గిస్తుందట. ఒమేగా-3 కొవ్వు ఆమ్లాలు గుండెపోటు, స్ట్రోక్ ప్రమాదాన్ని తగ్గిస్తాయని చెబుతున్నారు.
వేయించిన శనగలలో పొటాషియం ఎక్కువగా ఉంటుంది. ఇది రక్తపోటును అదుపులో ఉండేలా చేస్తుంది. ఒక అధ్యయనం ప్రకారం, రోజుకు 50 గ్రాముల వేయించిన శనగలు తినే వారిలో రక్తపోటు తగ్గిందని పరిశోధకులు గుర్తించారు. ప్రతి రోజు 50 గ్రాముల వేయించిన శనగలు తిన్న వారిలో రక్తపోటు తగ్గిందని అధ్యయనం వెల్లడించింది.
బరువు తగ్గడానికి సహాయపడుతుంది. వేయించిన శనగలలోఉండే ప్రొటీన్‌, ఫైబర్ వల్ల కడుపు నిండినట్లుగా అనిపించి ఆకలి కాకుండా ఉంటుంది. కాబట్టి, బరువు తగ్గాలనుకునే వారు వీటిని రోజూ తినడం వల్ల మంచి ఫలితం ఉంటుందట.
Roasted Chana