Skincare: పుదీనా ఆకులతో మెరిసే చర్మం.. ఆ సమస్యల నుంచి ఉపశమనం.. మరి ఎలా ఉపయోగించాలంటే..?
Pudina Benefits: పుదీనా ఆకుల్లోని యాంటీయాక్సిడెండ్లు, మినరల్స్, విటమిన్స్ ఆరోగ్యానికి ఎంతో ప్రయోజనకరంగా ఉంటాయి. ఈ క్రమంలో చర్మ సంరక్షణకు కూడా పుదీనా ఆకులు మెరుగ్గా పనిచేస్తాయి. ఈ కారణంగానే పుదీనా ఆకులను ఫేస్ వాష్‌, మాయిశ్చరైజర్ వంటి స్కిన్‌కేర్ ప్రోడక్ట్స్‌లో ఉపయోగిస్తారు. ఇందుకోసం పుదీనా ఆకులను పేస్ట్ చేసి ఫేస్ ప్యాక్‌లా ఉపయోగిస్తే సరిపోతుంది. ఇలా చేయడం వల్ల చర్మానికి ఏయే ప్రయోజనాలు కలుగుతాయో ఇప్పుడు చూద్దాం..
మొటిమలు: పుదీనా ఆకులలో ఉండే సాలిసిలిక్ యాసిడ్, విటమిన్ ఎ చర్మంలో ఆయిల్ ఉత్పత్తిని తగ్గించి జిడ్డు చర్మం నివారణలో ఉపయోగపడతాయి. జిడ్డు చర్మం కారణంగానే మొటిమలు వస్తాయి. తద్వారా పుదీనా ఆకులు మిమ్మల్ని వేధిస్తున్న మొటిమలకు చెక్ పెట్టగలవు. ఇందుకోసం మీరు పుదీనా ఆకుల పేస్ట్‌ని ముఖంపై అప్లై చేసి 15 నిముషాల పాటు ఉంచి తర్వాత కడిగేయండి. ఇలా వారంలో రెండు సార్లు చేస్తే చాలు.
మెరిసే చర్మం: పుదీనా ఆకుల్లోని యాంటీ సెప్టిక్ లక్షణలు ముఖంపై నల్ల మచ్చలు, గీతలను తగ్గిస్తాయి. ఇంకా సూర్యుని కిరణాల నుంచి చర్మాన్ని రక్షిస్తాయి. ఈ క్రమంలోనే చర్మం ప్రకాశవంతంగా మారేలా పుదీనా ఆకులు ఉపయోగపడతాయి.
గాయాలు నయం: పుదీనాలోని యాంటీ ఇన్ఫ్లమేటరీ లక్షణాలు చర్మంపై గాయల నుంచి ఉపశమనం కలిగిస్తాయి. ఇందుకోసం పుదీనా ఆకుల రసాన్ని గాయలపై అప్లై చేస్తే చాలు.
హైడ్రేట్ చర్మం: పుదీనా ఆకుల్లోని కొన్ని పోషకాలు తేలికపాటి ఆస్ట్రిజెంట్‌గా పనిచేయడంతో పాటు చర్మంపై రంధ్రాల నుంచి మురికిని తొలగిస్తాయి. ఇంకా చర్మంలో రక్త ప్రసరణను మెరుగుపరుస్తాయి.
డార్క్ సర్కిల్స్: పుదీనా ఆకుల్లో ఉన్న యాంటీ ఆక్సిడెంట్లు కళ్ల కింద నల్లటి వలయాలను తగ్గించడంలో కూడా సహాపడుతాయి. ఇందుకోసం మీరు పుదీనా ఆకులను డార్క్ సర్కిల్స్ మీద రాస్తే చాలు.