Viral News: పార్క్‌లో సరదాగా వాకింగ్ చేసేందుకు వెళ్లిన మహిళ… ఆ రోజుతో ఆమె సుడి తిరిగిపోయింది

Women Finds Diamond

పైవాడు రాసిపెట్టి ఉంటే.. బండ్లు ఓడలు.. ఓడలు బండ్లు అవుతాయి. ఇది పెద్దవాళ్లు చెప్పే సామెత. ఎంతో అనుభవంతో వారు చెప్పిన మాట తప్పు ఎలా అవుతుంది చెప్పండి. ఈ సామెత నిజమే అని చెప్పే ఓ ఇన్సిడెంట్ గురించి మీకు ఇప్పుడు వివరించబోతున్నాం. అమెరికాలోని కాలిఫోర్నియా నగరంలో నివశించే ఓ మహిళ ఇటీవల వాకింగ్ చేసేందుకు పార్క్‌కు వెళ్లింది. చుట్టూ చెట్లు, స్వచ్చమైన గాలి ఆమె వాకింగ్ చేస్తుండగా.. కంటికి ఏదో మెరుస్తూ కనిపించింది. ఏంటా అని దగ్గరికి వెళ్లి చూడగా ఓ రాయి ప్రకాశిస్తూ కనిపించింది. అది పసుపు రంగులో ఉంది. ఈ రాయి భలే ఉందే అనుకుంటూ తనతో పాటు ఇంటికి తీసుకువచ్చింది. ఆ సమయంలో ఆ మహిళకు తెలీదు. అది తన జీవితాన్ని మార్చే వజ్రమని. అవును.. మీరు వింటున్నది నిజమే. ఆ మహిళ అర్కాన్సాస్ స్టేట్ పార్కులో వాకింగ్‌కు వెళ్లినప్పుడు, 4.38 క్యారెట్ల పసుపు వజ్రం కనిపించింది. అర్కాన్సాస్ స్టేట్ పార్క్ రెగ్యులర్ పార్క్ కాదు. అక్కడ వజ్రాలు తరుచుగా దొరుకుతుంటాయి. ఎవరైనా అక్కడ వజ్రాన్ని కనుగొంటే, అది వారికే చెందుతుంది. వారే ఆ వజ్రాన్ని అమ్ముకోవచ్చు. అయితే ఈ విషయం నోరీన్ వ్రెడ్‌బర్గ్ అనే ఆ మహిళకు తెలీదు. ఆమెకు దొరికిన వజ్రం ధర బహిరంగ మార్కెట్‌లో రూ.15 లక్షల వరకూ ఉంటుందట.

ఈ పార్క్‌లో ఇప్పటివరకు 75000 వజ్రాలు దొరికాయని సమాచారం. అయితే నోరిన్ వ్రెడ్‌బర్గ్‌కు దొరికింది అరుదైన వజ్రమే అంటున్నారు స్థానికలు. ఈ సంవత్సరంలోనే ఇప్పటివరకు అక్కడ 258 వజ్రాలు దొరికాయట. ఇక్కడ ప్రతిరోజూ 1 లేదా 2 వజ్రాలు మాత్రమే దొరికుతాయని.. వజ్రాన్ని కనుగొన్న వ్యక్తి లైఫ్ ఆరోజుతో మారిపోతుందని అక్కడివారు చెబుతున్నారు.

Also Read: ఇద్దరు దొంగల ప్రేమకథ.. వీరి స్టోరి సినిమాకు ఏ మాత్రం తక్కువ కాదు.. స్కెచ్‌లు కూడా నెక్ట్స్ లెవర్

ఆ విషయంలో మాకు అన్యాయం జరిగింది.. ప్రకాశ్ రాజ్ సంచలన వ్యాఖ్యలు