Breaking News
  • ఏపీ సీఎం జగన్‌ను కలిసిన మహారాష్ట్ర హోంశాఖ మంత్రి అనిల్‌ దేశ్‌ముఖ్‌. దిశ చట్టంపై జగన్‌ను అభినందించిన అనిల్‌ దేశ్‌ముఖ్‌. మహారాష్ట్రలో దిశ చట్టం అమలుకు పరిశీలిస్తామన్న దేశ్‌ముఖ్‌.
  • చెన్నై ఎయిర్‌పోర్ట్‌లో భారీగా పట్టుబడ్డ బంగారం. 12.5 కిలోల బంగారాన్ని స్వాధీనం చేసుకున్న కస్టమ్స్‌ అధికారులు. పట్టుబడ్డ బంగారం విలువ రూ.5.44 కోట్లు ఉంటుందని అంచనా. మలేషియా, సింగపూర్‌ నుంచి బంగారం తరలిస్తున్నట్టు గుర్తింపు. 18 మందిని అదుపులోకి తీసుకుని విచారిస్తున్న అధికారులు.
  • స్థానిక ఎన్నికల్లో పోటీపై పురంధేశ్వరి నేతృత్వంలో కమిటీ వేశాం. రాజధాని అమరావతిలోనే ఉండేలా కార్యాచరణ ప్రకటిస్తాం-కన్నా. ఎంపీల గైర్హాజరును పెద్దది చేయాల్సిన అవసరం లేదు. వారివారి వ్యక్తిగత కారణాలతో రాలేమని ముందే చెప్పారు. ఏపీ బీజేపీ అధ్యక్షుడి మార్పు గురించి నాకు సమాచారం లేదు. ఈనెల 25లోగా టీఎస్‌ కొత్త అధ్యక్షుడిపై స్పష్టత వస్తుంది. -ఏపీ బీజేపీ అధ్యక్షుడు కన్నా లక్ష్మీనారాయణ.
  • ఢిల్లీ: షాహిన్‌బాగ్‌లో ఆందోళనకారులతో మధ్యవర్తుల చర్చలు. ఎటూ తేలకుండానే రెండో రోజు ముగిసిన చర్చలు. ఆందోళనలు విరమించాలని షాహిన్‌బాగ్‌ వాసులను కోరిన మధ్యవర్తులు. సీఏఏను రద్దు చేసే వరకు ఉద్యమం కొనసాగుతుందన్న ఆందోళనకారులు. నిరసనలు చేసుకోవచ్చు కానీ ప్రజలను ఇబ్బంది పెట్టొద్దన్న మధ్యవర్తులు. లేదంటే సుప్రీంకోర్టు జోక్యం చేసుకుంటుందన్న మధ్యవర్తులు.
  • ఏపీ బీజేపీ అధ్యక్ష రేసులో నేను లేను.. అది కేంద్ర నిర్ణయం. మాకు ఎవరితోనూ పొత్తు లేదు.. జనసేనతో మాత్రమే మా పొత్తు -మాజీ కేంద్రమంత్రి పురంధేశ్వరి.
  • విజయవాడ: వివేకానందరెడ్డి హత్యకేసుపై హైకోర్టులో విచారణ. విచారణ సోమవారానికి వాయిదా వేసిన హైకోర్టు.

కేంద్రానికి, ఏపీకి మధ్య మళ్ళీ ‘ పీపీఏ ‘ ల తంటా !

Finance Minister Nirmala Sitharaman said that atmosphere to invest will be friendly, కేంద్రానికి, ఏపీకి మధ్య మళ్ళీ ‘ పీపీఏ ‘ ల తంటా !

పవర్ పర్చేజ్ అగ్రిమెంట్స్ (పీపీఏ) విషయంలో కేంద్రానికి, ఏపీకి మధ్య మళ్ళీ వివాదం ఏర్పడే సూచనలు కనిపిస్తున్నాయి. ఈ అంశంలో కేంద్రానిది ఓ దారి అయితే.. ఏపీ ప్రభుత్వానిది మరో దారి అవుతోంది. వివిధ ఇంధన ఒప్పందాల కింద కుదిరిన కాంట్రాక్టు సంబంధిత ఒడంబడికలను ప్రభుత్వం ‘ గౌరవిస్తుందని ‘ కేంద్ర ఆర్ధిక శాఖ మంత్రి నిర్మలాసీతారామన్ తాజాగా స్పష్టం చేశారు. ముఖ్యంగా పునరుత్పాదక ఇంధన ఒప్పందాలను పరిగణనలోకి తీసుకుంటున్నట్టు ఆమె పేర్కొన్నారు. ఈ ఒప్పందాల విషయంలో ఇన్వెస్టర్లు ఆందోళన చెందాల్సిన అవసరం లేదన్నారు. ఇలాంటి అగ్రిమెంట్లను ఈ దేశ ‘ లక్ష్యం ‘ గా గౌరవించాలి.. ఒప్పందాలపై ఇప్పటికే అవగాహనకు వఛ్చినవారో, లేక ఇదివరకే ఆయా ప్రభుత్వాలతో ఒప్పందాలు కుదుర్చుకుని పెట్టుబడులు పెట్టిన ఇన్వెస్టర్లో చాలా ఆసక్తిగా ఉంటారు. ఇండియాలో ఎనర్జీ, ఎనర్జీ సెక్యూరిటీ అన్నవి ముఖ్యాంశాలు ‘ అన్నారామె. (ఢిల్లీలో జరిగిన ‘ ఇండియా ఎనర్జీ ఫోరమ్ ఆఫ్ సెరా వీక్ లో నిర్మల పాల్గొన్నారు). ఇలాంటి అగ్రిమెంట్ల విషయంలో అనిశ్చితి ఏర్పడిందని, కానీ ‘ కమిట్ మెంట్లను ‘ తప్పనిసరిగా పాటించాల్సి ఉందని అన్నారు. ఇటీవలే ఏపీ ప్రభుత్వం.. నోడల్ ఏజన్సీలైన సోలార్ ఎనర్జీ కార్పొరేషన్ ఆఫ్ ఇండియా, ఎన్టీపీసీ సంస్థలను తమ రెనివబుల్ ఇంధన ప్రాజెక్టుల టారిఫ్ ను తగ్గించుకోవలసిందిగా కోరింది. పవర్ ప్రాజెక్ట్ అగ్రిమెంట్ల కింద ఈ సంస్థలు వేలంలో తమ టారిఫ్ లను పేర్కొన్న సంగతి తెలిసిందే. అయితే ఈ ప్రాజెక్టుల విషయంలో గత టీడీపీ ప్రభుత్వం అత్యధిక టారిఫ్ లతో ఒడంబడికలు కుదుర్చుకున్నదని ఆ మధ్య ఏపీ సీఎం జగన్ వ్యాఖ్యానించిన విషయం గమనార్హం. అన్ని విద్యుత్ ప్రాజెక్టుల పీపీఏలను రద్దు చేస్తున్నట్టు తెలిపారు. అప్పట్లోనే… పునరుత్పాదక ఇంధన ప్రాజెక్టుల పీపీఏలను తిరగదోడరాదని కేంద్రం ఏపీ ప్రభుత్వానికి లేఖ రాసింది. 20022 నాటికి 175 గెగావాట్ల రెనివబుల్ ప్రాజెక్టులను సాధించాలన్నది కేంద్ర లక్ష్యం. అందువల్ల వచ్ఛే మూడేళ్ళలో ఈ టార్గెట్ చేరుకోవాలంటే ఇండియాకు భారీ పెట్టుబడులు అవసరమవుతాయి. ఈ నేపథ్యంలో మాట్లాడిన నిర్మలాసీతారామన్.. రెగ్యులేటరీ ఫ్రేమ్ వర్క్ ని సరళతరం చేయడమే గాక.. ఏపీలో వంటి ఘటనలు పునరావృతం కాకుండా చూడాల్సిన అవసరం ఉందన్నారు. దీంతో ఈ సమస్యపై కేంద్రం వైఖరి ఒకలా ఉండగా.. ఏపీ వైఖరి మరొకలా ఉండడంతో ఈ ప్రాజెక్టుల భవితవ్యం ఎలా ఉంటుందో చూడాల్సిందేనని అంటున్నారు.

Related Tags