ప్రియుడి బర్త్‌డే కోసం నయన్ చేసిన ఖర్చు ఎంతో తెలిస్తే..!

Vignesh Shivan birthday : కోలీవుడ్ దర్శకుడు విఘ్నేష్ శివన్ ఇటీవల 35వ పుట్టినరోజును జరుపుకున్న విషయం తెలిసిందే. ఈ పుట్టినరోజును ప్రేయసి నయనతారతో కలిసి గోవాలో సెలబ్రేట్ చేసుకున్నారు విఘ్నేష్. ఈ సందర్భంగా వీరు తీసుకున్న కొన్ని ఫొటోలు సోషల్ మీడియాలో వైరల్‌గా మారాయి. అయితే విఘ్నేష్ పుట్టినరోజును దగ్గరుండి జరిపిన నయన్‌ అందుకోసం భారీగా ఖర్చు చేసినట్లు ఇప్పుడు కోలీవుడ్‌లో టాక్ నడుస్తోంది. కోలీవుడ్ సినీ వర్గాల ప్రకారం మూడు రోజుల పాటు ఈ జంట గోవాలో ఉండగా.. అందుకోసం నయన్ రూ.25లక్షలు ఖర్చు చేసినట్లు తెలుస్తోంది. ప్రస్తుతం ఈ వార్త తమిళ సినీ వర్గాల్లో హాట్ టాపిక్‌గా మారింది.

కాగా విఘ్నేష్ శివన్ తెరకెక్కించిన నానుమ్‌ రౌడీదాన్( తెలుగులో నేను రౌడీ నే)లో నయన్ నటించారు. అప్పుడే ఈ ఇద్దరి మధ్య ప్రేమ చిగురించగా.. అప్పటి నుంచి రిలేషన్‌లో ఉన్నారు. ఈ క్రమంలో వీరిద్దరు పెళ్లి చేసుకోబోతున్నట్లు పలుమార్లు వార్తలు వచ్చాయి. అయితే తామిద్దరికి కొన్ని కలలు ఉన్నాయని, అవి నెరవేర్చుకునే వరకు పెళ్లి చేసుకోమని ఇటీవల ఓ ఇంటర్వ్యూలో విఘ్నేష్ వెల్లడించారు. ఇక ప్రస్తుతం విఘ్నేష్, విజయ్ సేతుపతితో కాదువాకుల రెండు కాదల్ అనే  మూవీని తెరకెక్కిస్తున్నారు. ఇందులో విజయ్ సరసన నయనతార, సమంత నటించనున్నారు.

Read More:

ఎస్పీ బాలసుబ్రహ్మణ్యంకు భారతరత్న ఇవ్వాలి

ఆ విషయం చెప్పగానే రాజమౌళి ఒప్పుకున్నారు: చిరంజీవి