
వెస్ట్ బెంగాల్లోని 24 పరగణ జిల్లాలో బీఎస్ఎఫ్ జవాన్లపై బంగ్లాదేశీకి చెందిన కొందరు దుండగులు దాడి చేశారు. జిల్లాలోని బన్స్ఘటా ఔట్పోస్ట్ వద్ద విధులు నిర్వహిస్తున్న బీఎస్ఎఫ్ జవాన్లపై గుర్తు తెలియని బంగ్లాదేశీ దుండగులు దాడికి పాల్పడ్డారు. ఈ ఘటనలో ముగ్గురు బీఎస్ఎఫ్ జవాన్లు గాయపడ్డారు. ఈ ఘటన శుక్రవారం రాత్రి చోటుచేసుకుంది. దుండుగులు దాడి జరపుతుండటంతో.. వెంటనే అప్రమత్తమైన భద్రతా బలగాలు.. బంగ్లాదేశీ దుండగులపై కాల్పులు జరిపారు. దీంతో దుండగులు.. బంగ్లాదేశ్ వైపు పారిపోయారు. ఈ విషయాన్ని బోర్డర్ సెక్యూరిటీ ఫోర్స్ అధికారులు ధృవీకరించారు. అయితే దాడికి పాల్పడింది చొరబాటు దారులా..? లేదా ఉగ్రవాదులా..? అన్నది తేలాల్సి ఉంది.