కోవిడ్ వ్యాక్సిన్ ఫార్ములాపై సమాచారాన్ని షేర్ చేయండి, మరిన్ని కంపెనీలకు అనుమతివ్వండి, కేంద్రానికి ఢిల్లీ సీఎం కేజ్రీవాల్ లేఖ

కోవిడ్ వ్యాక్సిన్ ఫార్ములాపై సమాచారాన్ని షేర్ చేయాలని ఢిల్లీ ముఖ్యమంత్రి అరవింద్ కేజ్రీవాల్ కేంద్రాన్ని కోరారు. వ్యాక్సిన్ల తయారీకి మరిన్ని కంపెనీలను అనుమతించాలని ఆయన అభ్యర్థించారు

  • Publish Date - 4:26 pm, Tue, 11 May 21 Edited By: Phani CH
కోవిడ్ వ్యాక్సిన్ ఫార్ములాపై సమాచారాన్ని షేర్ చేయండి, మరిన్ని కంపెనీలకు అనుమతివ్వండి, కేంద్రానికి ఢిల్లీ సీఎం కేజ్రీవాల్ లేఖ
Arvind Kejriwal

కోవిడ్ వ్యాక్సిన్ ఫార్ములాపై సమాచారాన్ని షేర్ చేయాలని ఢిల్లీ ముఖ్యమంత్రి అరవింద్ కేజ్రీవాల్ కేంద్రాన్ని కోరారు. వ్యాక్సిన్ల తయారీకి మరిన్ని కంపెనీలను అనుమతించాలని ఆయన అభ్యర్థించారు. ప్రస్తుతం టీకామందులను ఉత్పత్తి చేస్తున్న సీరం, భారత్ బయో టెక్ సంస్థలు డిమాండుకు తగినట్టు వ్యాక్సిన్ ఉత్పత్తి చేయలేకపోతున్నాయని ఆయన చెప్పారు. ఇండియాలో ఈ రెండు కంపెనీలు మాత్రమే వ్యాక్సిన్ ను ఉత్పత్తి చేస్తున్నాయని, కోవిద్ కేసులు పెరిగిపోవడంతోను, 18 ఏళ్లకు పైబడినవారికి కూడా వ్యాక్సిన్ ఇవ్వాలన్న ప్రభుత్వ నిర్ణయం తోను ఇవి ఆశించిన స్థాయిలో టీకామందులను ఉత్పత్తి చేయలేకపోతున్నాయని ఆయన అభిప్రాయపడ్డారు. రష్యాకు చెందిన స్పుత్నిక్ వీ వ్యాక్సిన్ కి అనుమతి లభించినప్పటికీ 5 కంపెనీలు దీన్ని తయారు చేయాల్సి ఉంది. టీకామందుల తయారీకి మరిన్ని సంస్థలకు అనుమతినిచ్చిన పక్షంలో దీని సప్లయ్ పెరుగుతుందని కేజ్రీవాల్ అన్నారు. సీరం, భారత్ బయోటెక్ సంస్థలు నెలకు కేవలం ఆరు నుంచి ఏడు కోట్ల డోసుల వాక్సిన్ మాత్రమే తయారు చేయగలుగుతున్నాయని ఆయన చెప్పారు. ఇలా అయితే ప్రతివారికీ టీకా మందు ఇవ్వాలంటే రెండేళ్లు పడుతుందని ఆయన పేర్కొన్నారు. ఈ కారణంగా వీటి ఉత్పత్తికి జాతీయ ప్రణాళిక అంటూ ఉండాలని, సీరం, భారత్ బయో టెక్ కంపెనీల ఫార్ములాను సేకరించాలని ఆయన సూచించారు. ఈ ఫార్ములాను ఇతర సంస్థలతో షేర్ చేయాలని అభ్యర్థించారు.

కేంద్రం తన ప్రత్యేక అధికారాలను ఉపయోగించి ఇందుకు పూనుకోవాలని అరవింద్ కేజ్రీవాల్ కోరారు. ఢిల్లీలో వ్యాక్సిన్ కొరత తీవ్రంగా ఉందన్న విషయాన్ని ఆయన తన లేఖలో మళ్ళీ ప్రస్తావించారు. రెండు మూడు రోజులకు సరిపడా కోవిషీల్డ్ వ్యాక్సిన్ మాత్రమే ఉందన్నారు.

 

మరిన్ని ఇక్కడ చూడండి:Laxmi Manchu: త‌న యూట్యూబ్‌ ఛాన‌ల్‌లో వ‌స్తోన్న కంటెంట్‌ను ప‌ట్టిచ్చుకోవ‌దంటున్న మంచు ల‌క్ష్మీ.. కార‌ణ‌మేంటంటే..

Education: సివిల్స్ ప్రిపేర్ అయ్యేవారికి గైడెన్స్ అందించే యాప్..ఉత్తరప్రదేశ్ యువకుల సరికొత్త స్టార్టప్!