Viral: న్యూఇయర్ ఇన్విటేషన్లలో కండోమ్‌లు, ఓఆర్‌ఎస్‌ ప్యాకెట్లు.. ఇదేం పైత్యం సామీ..
మరికొన్ని గంటల్లో నూతన సంవత్సర వేడుకలకు సర్వం సిద్ధమైంది. పాత సంవత్సరానికి ముగింపు పలికి కొత్త ఏడాదికి ఘనంగా స్వాగతం పలకడానికి అంతా సిద్ధమవుతున్నారు. మంగళ, బుధవారాల్లో జోరుగా పార్టీలు చేసుకునేందుకు యూత్ రెడీ అయ్యింది. ఆ స్టోరీ వివరాలు ఇలా
మహారాష్ట్రలోని పుణెలో ఉన్న హై స్పిరిట్స్‌ పబ్ న్యూ ఇయర్‌ వేడుకల్లో భాగంగా ఈవెంట్స్‌ నిర్వహిస్తోంది. ఈ క్రమంలో గెస్టులకు.. ఇన్విటేషన్‌తోపాటు కండోమ్ ప్యాకెట్, ఓఆర్ఎస్‌ను పంపించింది. ఈ ఇన్విటేషన్ సోషల్‌ మీడియాలో తెగ వైరల్‌ అవుతోంది. దీన్ని తీవ్రంగా పరిగణించిన మహారాష్ట్ర యూత్ కాంగ్రెస్ నాయకులు స్థానిక పోలీసులకు ఫిర్యాదు చేశారు. పబ్ మేనేజ్‌మెంట్‌పై కఠిన చర్యలు తీసుకోవాలని సిటీ పోలీస్ కమిషనర్ అమితేష్ కుమార్‌కు విజ్ఞప్తి చేశారు.
పబ్, నైట్ లైఫ్‌కు తాము వ్యతిరేకం కాదని యూత్ కాంగ్రెస్ నేత అక్షయ్ తెలిపారు. అయితే యూత్‌ను తమ పబ్‌కు వచ్చేలా ఇలాంటి దిగజారుడు పనులు, చెత్త మార్కెటింగ్ వ్యూహాలు సరికావని మండిపడ్డారు. సదరు పబ్‌పై వెంటనే పోలీసులు చర్యలు చేపట్టాలని డిమాండ్ చేశారు. కాగా, ఈ ఘటనపై కేసు నమోదు చేసినట్లు పోలీసులు తెలిపారు. ఇన్విటేషన్ కార్డును అందుకున్న పలువురిని పిలిచి విచారించినట్లు చెప్పారు.
మరిన్ని జాతీయ వార్తల కోసం ఇక్కడ క్లిక్ చేయండి..