Mid-Air Scare: ఎయిర్ఇండియా విమానంలో కలకలం.. కాక్పిట్ డోర్ తెరిచే యత్నం..!
బెంగళూరు నుంచి వారణాసి వెళ్తున్న ఎయిర్ ఇండియా విమానంలో కలకలం రేగింది. ప్రయాణ మధ్యలో ఓ ప్యాసింజర్ కాక్పిట్ డోర్ తెరవడానికి యత్నించగా.. హైజాక్ భయంతో పైలట్ తలుపు తెరవలేదు. విమానం ల్యాండ్ అయ్యాక CISF సిబ్బంది అతడిని అరెస్ట్ చేశారు ... ..
బెంగళూరు నుంచి వారణాసి వెళ్తున్న ఎయిర్ ఇండియా విమానంలో ఉద్రిక్తత చోటుచేసుకుంది. విమానం గాల్లో ప్రయాణిస్తుండగా.. ఓ ప్రయాణికుడు కాక్పిట్ డోర్ తెరవడానికి ప్రయత్నించారు. హైజాక్ భయంతో పైలట్ తలుపు తెరవకుండా జాగ్రత్తగా వ్యవహరించారు. విమానం సురక్షితంగా వారణాసి ఎయిర్పోర్ట్లో ల్యాండ్ అయ్యింది. వెంటనే CISF సిబ్బంది జోక్యం చేసుకుని, ఆ వ్యక్తిని అదుపులోకి తీసుకున్నారు. విచారణ కోసం అతడిని పోలీసులకు అప్పగించారు. ఈ ఘటనతో ఇతర ప్రయాణికులు తీవ్ర భయాందోళనకు గురయ్యారు. కాగా టాయిలెట్ కోసం వెతుకుతుండగా ఆ ప్రయాణీకుడు కాక్పిట్ వరకు నడిచి వెళ్లడంతో ఈ గందరగోళం చెలరేగినట్లు ప్రాథమికంగా తెలుస్తోంది. తాను తొలిసారి విమానంలో ప్రయాణం చేస్తున్నానని , ప్రొటోకాల్ తెలియదని ఆ ప్రయాణికుడు సిబ్బందికి తెలిపాడు.
అయితే సెక్యూరిటీ ప్రోటోకాల్ ప్రకారం ఆ ప్రయాణికుడిని ప్రశ్నిస్తున్నట్టు CISF తెలిపింది. మణితో పాటు అతడితో ప్రయాణం చేస్తున్న 8 మందిని CISF అధికారులు ప్రయత్నిస్తున్నారు.