PM Modi USA Visit: భవిష్యత్ భాగస్వామిగా భారత్.. ప్రధాని మోదీ పర్యటనకు అమెరికా భారీ ఏర్పాట్లు..
PM Narendra Modi: ప్రధాని మోదీ అమెరికా పర్యటనపై ఉత్కంఠ నెలకొంది. అమెరికా ప్రతినిధుల సభ ప్రధాని మోదీ కోసం ఎదురు చూస్తోందని అధికార, విపక్ష నేతలు తెలిపారు. ప్రధాని మోదీ పర్యటనతో ఇరు దేశాల మధ్య..
ప్రధాని నరేంద్ర మోదీ అమెరికా టూర్‌కు ఏర్పాట్లు జరుగుతున్నాయి. జూన్ 21 నుంచి నాలుగు రోజుల పాటు ఈ పర్యటన జరగనుంది. ఇందుకోసం సన్నాహాలు వేగంగా జరుగుతున్నాయి. ప్రధాని మోదీ పర్యటన చరిత్రలో నిలిచిపోతుందని అంటున్నారు అమెరికా అధికారులు. ఇరు దేశాలకు సంబంధించి పలు అంశాలపై చర్చించనున్నారు ఇద్దరు దేశ అధినేతలు. ప్రధాన మంత్రి నరేంద్ర మోదీ వచ్చే వారం ఇక్కడ భారతీయ అమెరికన్లను ఉద్దేశించి ప్రసంగిస్తున్న సందర్భంగా భారతదేశ అభివృద్ధిలో ప్రవాసుల పాత్రపై ఈవెంట్‌లో మాట్లాడుతారు ప్రధాని మోదీ. అమెరికా అధ్యక్షుడు జో బిడెన్, ప్రథమ మహిళ జిల్‌ బిడెన్‌ల ఆహ్వానం మేరకు ప్రధాని మోదీ జూన్ 21-24 తేదీల మధ్య అమెరికాలో పర్యటిస్తున్నారు. వారు జూన్ 22న మోడీకి రాష్ట్ర విందులో ఆతిథ్యం ఇవ్వనున్నారు. ఈ పర్యటనలో జూన్ 22న కాంగ్రెస్ జాయింట్ సెషన్‌ను ఉద్దేశించి ప్రసంగిస్తారు.
ప్రధాని నరేంద్ర మోదీ అమెరికా పర్యటనకు ముందు జాతీయ భద్రతా సలహాదారు జేక్ సుల్లివన్ మంగళవారం (జూన్ 13) ఆయనను కలిసిన సంగతి తెలిసిందే. రెండు దేశాల (భారత్-అమెరికా) మధ్య ద్వైపాక్షిక సహకారం వివిధ రంగాలలో ఇప్పటివరకు సాధించిన పురోగతి గురించి సుల్లివన్ ప్రధాని మోదీకి వివరించారు. అమెరికా అధ్యక్షుడు జో బిడెన్ రాష్ట్ర పర్యటనలో ప్రధాని మోడీకి స్వాగతం పలికేందుకు ఎదురు చూస్తున్నారని సుల్లివన్ తెలిపారు.
అమెరికా , భారత్‌ల మధ్య ఆర్థిక, వ్యూహాత్మక సంబంధాలను బలోపేతం చేసుకోవాల్సిన అవసరాన్ని అమెరికా ప్రతినిధి రిచర్డ్ మెక్‌కార్మిక్ నొక్కిచెప్పారు. వారి రాజకీయ అనుబంధాలతో సంబంధం లేకుండా.. చట్టసభ సభ్యులు భారతదేశాన్ని భవిష్యత్తులో కీలకమైన, విలువైన భాగస్వామిగా గుర్తించాలని రిచర్డ్ మెక్‌కార్మిక్ అభిప్రాయపడ్డారు.
ప్రధాని మోదీ అమెరికా పర్యటనపై తన ఆలోచనలను వ్యక్తం చేసిన కాంగ్రెస్ సభ్యుడు మెక్‌కార్మిక్, ఇరు దేశాల మధ్య సంబంధాల ప్రాముఖ్యతను ప్రతి ఒక్కరూ అర్థం చేసుకున్నారని అభిప్రాయపడ్డారు. మోదీ అమెరికా పర్యటనపై జార్జియాకు చెందిన కాంగ్రెస్ సభ్యుడు ప్రతినిధుల సభ ఇలా అన్నారు.
ప్రధాని మోదీని స్వాగతించడానికి తాను సంతోషిస్తున్నట్లుగా ట్వీట్ చేశారు అమెరికా హౌస్ ఆఫ్ రిప్రజెంటేటివ్స్‌ జార్జియా ప్రతినిధి బడ్డీ కార్టర్. అమెరికా-భారత్ బంధం ప్రపంచంలోనే అత్యంత ముఖ్యమైనదని అభివర్ణించారు.
ప్రధాని మోదీ ప్రసంగం కోసం అమెరికా కాంగ్రెస్ ఎదురుచూస్తోందన్నారు. US కాంగ్రెస్ మహిళ ప్రతినిధి షీలా జాక్సన్ లీ స్పందించారు. ప్రధాని మోదీ పర్యటనపై అమెరికా ప్రత్యేక శ్రద్ధ పెట్టిందన్నారు. రాబోయే రోజుల్లో భారత్-అమెరికా కలిసి పరిష్కరించాల్సిన సమస్యలు చాలా ఉన్నాయని అన్నారు.
మరిన్ని జాతీయ వార్తల కోసం