Viral: వాయమ్మో! పాఠాలు వినాల్సిన పిల్లాడు ఎంతకు తెగించాడో.. విషయం తెలిస్తే ఫ్యూజులౌట్!

Ghaziabad

అతడొక 16 ఏళ్ల బాలుడు. స్కూల్‌కు వెళ్లేందుకు ఎప్పుడూ ఏదొక గొడవ చేస్తూ ఉంటాడు. తల్లిదండ్రులు ఆ పిల్లాడి తిట్టి.. కొట్టి పంపిస్తుంటారు. ఆ బాలుడు ఓ మాస్టర్ ప్లాన్ వేశాడు. జైలుకెళ్లాడు.. కట్ చేస్తే.. అక్కడ పోలీసులు ఆ పిల్లాడి మాటలు విని దెబ్బకు షాకయ్యారు. ఇంతకీ అసలు కథేంటంటే..

వివరాల్లోకి వెళ్తే.. ఢిల్లీ-మీరట్ ఎక్స్‌ప్రెస్ హైవే కింద 13 ఏళ్ల విద్యార్ధి నీరజ్ మృతదేహం పోలీసులకు లభ్యమైంది. మృతుడి గొంతుకోసి చంపినట్లుగా గుర్తులు ఉండటంతో పోలీసులు మర్డర్ కేసు నమోదు చేసుకుని విచారణ మొదలుపెట్టారు. నీరజ్ సన్నిహితులను వివరాలను అడిగి తెలుసుకున్నారు. నీరజ్‌కు ఓ ఫ్రెండ్ ఉన్నాడని.. అతడి వయస్సు సుమారు 16 ఏళ్లు ఉంటుందని.. చివరిసారిగా అతడితోనే నీరజ్‌ను చూశామని సన్నిహితులు పోలీసులతో చెప్పారు.

ఆ బాలుడ్ని పోలీసులు అదుపులోకి తీసుకుని తమదైన శైలిలో విచారించారు. తానే తన స్నేహితుడిని హత్య చేసినట్లుగా అంగీకరించాడు. చదువుకోవాలని తల్లిదండ్రులు చేసే ఒత్తిడిని భరించలేక ఈ ఘాతుకానికి పాల్పడినట్లు చెప్పాడు. ఎవరినైనా చంపి జైలుకు వెళ్తే.. స్కూల్‌కు వెళ్లే బాధ తప్పుతుందనుకున్నానని.. ఈ హత్యకు నెల రోజుల ముందే ప్లాన్ వేశానని తెలిపాడు. జైలులో ఎలాంటి సౌకర్యాలు ఉంటాయో తెలుసుకున్నాను. ఆ తర్వాత స్పాట్ నిర్ణయించుకుని.. నీరజ్‌ను అక్కడికి తీసుకెళ్లి .. గొంతుకోసి చంపెశానని వెల్లడించాడు. దీంతో నిందితుడిని పోలీసులు అరెస్ట్ చేసి జువైనల్ హోంకు తరలించారు.

మరిన్ని జాతీయ వార్తల కోసం..