9ఏళ్లకే ఐపీఎస్ అయిన చిన్నారి.. సోషల్ మీడియాలో వైరల్..

అతి పిన్న వయసులోనే ఐపీఎస్ అయిన చిన్నారి. పోలీసుల చేత గౌరవ వందనం తీసుకుంది. ఈ వీడియోను సోషల్ మీడియాలో షేర్ చేయడంతో ఆ వీడియో సంచలనంగా మారింది. ప్రస్తుతం కాలంలో వయసుతో సంబంధం లేకుండా పిల్లలు, పెద్దలు ప్రాణాంతక వ్యాధుల బారిన పడుతున్నారు. ముక్కు పచ్చలారని చిన్నారులకు చిన్న వయసు లోనే నిండు నూరేళ్ళు నిండి పోతున్నాయి. తాజగా వారణాసికి చెందిన తొమ్మిదేళ్ల చిన్నారికి సంబంధించిన ఓ హృద్యమైన కథ సోషల్ మీడియాలో చక్కర్లు కొడుతోంది. రణవీర్ భారతి అనే చిన్నారి కి IPS అధికారి కావాలనే కల ఉంది. అయితే విధి వక్రీకరించింది. దీంతో ఆ చిన్నారి బ్రెయిన్‌ ట్యూమర్‌ బారిన పడింది. తాను ఒకటి తలిస్తే దైవమొకటి తలుస్తుందన్న నానుడి ఇక్కడ బాగా అన్వయం అవుతుంది. ప్రస్తుతం ఉత్తరప్రదేశ్‌‎లోని మహా మన క్యాన్సర్‌ ఆస్పత్రిలో బ్రెయిన్‌ ట్యూమర్‌కు చికిత్స పొందుతోంది ఈ చిన్నారి. IPS అధికారి కావాలనే ఆ చిన్నారి కల తీరింది బాల్యంలోనే తీరింది.

ADG జోన్ వారణాసి అధికారిక ఎక్స్ ఖాతాలో చిన్నారి రణవీర్ భారతి కోరిక నెరవేరిన విషయాన్నిషేర్ చేసింది. 9 ఏళ్ల రణవీర్ భారతి వారణాసిలో చికిత్స పొందుతున్న పరిస్థితిలో IPS అధికారి కావాలనే తన కోరికను వ్యక్తం పరిచింది. ఆ చిన్నారి కోరిక గురించి పోలీసు అధికారులకు తెలిసి వెంటనే స్పందించారు. ఇప్పుడు ఆ చిన్నారి కోరిక నేరవేరడంతో ఆమెకు సంబందించిన ఫోటోలు సామాజిక మాధ్యమాల్లో వైరల్‎గా మారాయి. భారతి ఖాకీ దుస్తులు ధరించి క్యాబిన్ లోపల కూర్చుంది. ఇతర పోలీసు సిబ్బందిని కలిసింది. అంతే కాదు, పోలీసులకు షేక్ హ్యాండ్ ఇచ్చి సంతోషంగా గడిపింది. ఆ చిన్నారికి పోలీసులు గౌరవ వందనం కూడా సమర్పించారు. ప్రస్తుతం వైరల్ అవుతున్న ఈ వీడియోపై నెటిజన్స్ రకరకాల కామెంట్స్ చేస్తున్నారు. చాలా మంచి పని చేశారు అంటూ పోలీసు అధికారులపై ప్రశంసల వర్షం కురిపిస్తున్నారు కొందరు.

Wholesome @varanasipolice 🥹🫡 (In Varanasi, a nine-year-old child suffering from cancer was made ADG zone for a day, during which policemen were seen saluting the child.) pic.twitter.com/ixYlMkhIOT

— Ghar Ke Kalesh (@gharkekalesh) June 26, 2024

మరిన్ని జాతీయ వార్తల కోసం ఇక్కడ క్లిక్ చేయండి..