Breaking News
  • స్పీకర్‌ తీరు ప్రజాస్వామ్యాన్ని ఖూనీ చేసే విధంగా ఉంది. సభలో స్పీకర్‌ తీసుకునే నిర్ణయాలు సీఎం తీసుకుంటున్నారు. స్పీకర్‌ సస్పెండ్‌ చేయకుండానే మార్షల్స్‌ బయటకు ఎలా తీసుకెళ్తారు. -మీడియా పాయింట్‌లో చినరాజప్ప. సీఎం కూడా రౌడీలా వ్యవహరిస్తున్నారు-చినరాజప్ప. సీఎం ఆదేశాలతోనే మార్షల్స్‌ నన్ను బయటకు తీసుకొచ్చారు. సస్పెండ్‌ చేయకుండా నన్ను బయటకు తీసుకురావడం.. సభా నిబంధనలకు విరుద్ధం-మీడియా పాయింట్‌లో చినరాజప్ప.
  • ప్రకాశం: ఒంగోలులో అపస్మారకస్థితిలో పడిఉన్న మహిళ. ఘటనా స్థలంలో మహిళ లోదుస్తులు, కండోమ్స్‌ గుర్తింపు. మహిళపై అత్యాచారం జరిగినట్టు అనుమానం. పోలీసుల సహకారంతో మహిళను ఆస్పత్రికి తరలింపు. మహిళ నోట్లో బియ్యం కుక్కి హత్యచేసేందుకు దుండగుల యత్నం. మహిళ ఊపిరితిత్తుల్లో బియ్యం గింజలు గుర్తించిన వైద్యులు. మహిళ పరిస్థితి విషమం.
  • శాసన మండలిలో వికేంద్రీకరణ, సీఆర్డీఏ రద్దు బిల్లులపై చర్చ. 3 గంటలపాటు చర్చకు అనుమతించిన డిప్యూటీ చైర్మన్‌. పార్టీల వారీగా సమయం కేటాయించిన డిప్యూటీ చైర్మన్‌. టీడీపీకి 84 నిమిషాలు, వైసీపీకి 27 నిమిషాలు.. పీడీఎఫ్‌ 15 నిమిషాలు, బీజేపీకి 6 నిమిషాల సమయం కేటాయింపు.
  • శంషాబాద్‌ ఎయిర్‌పోర్ట్‌ నుంచి ఢిల్లీకి బయల్దేరిన పవన్‌కల్యాణ్‌. పవన్‌కల్యాణ్‌ వెంట నాదెండ్ల మనోహర్‌. రేపు మధ్యాహ్నం వరకు ఢిల్లీలో ఉండనున్న పవన్‌కల్యాణ్‌. పలువురు బీజేపీ పెద్దలను కలవనున్న పవన్‌కల్యాణ్.
  • తెలంగాణ భవన్‌ నుంచి ఎన్నికల సరళీని సమీక్షిస్తున్న మంత్రి తలసాని. నగర మేయర్‌ బొంతు రామ్మోహన్‌, జిల్లాల కోఆర్డినేటర్లు.

మినహాయింపు పిటిషన్ కొట్టివేత.. జగన్‌ కోర్టుకు రావాల్సిందే

Shock to YS Jagan, మినహాయింపు పిటిషన్ కొట్టివేత.. జగన్‌ కోర్టుకు రావాల్సిందే

సీబీఐ కోర్టులో ఏపీ సీఎం జగన్‌కు చుక్కెదురు అయ్యింది. ఆయన దాఖలు చేసుకున్న కోర్టు మినహాయింపు పిటిషన్‌ను సీబీఐ కోర్టు కొట్టివేసింది. జగన్‌కు మినహాయింపు ఇస్తే సాక్షులను ప్రభావితం చేస్తారని సీబీఐ, కోర్టుకు తెలిపింది. ఈ వాదనతో ఏకీభవించిన నాంపల్లి సీబీఐ కోర్టు.. ఆస్తుల కేసు విచారణకు హాజరుకావాల్సిందేనని స్పష్టం చేసింది.

అయితే అక్రమాస్తుల కేసులో ఆరోపణలు ఎదుర్కొంటున్న వైఎస్ జగన్.. ప్రతిపక్షంలో ఉన్నప్పుడు ప్రతి శుక్రవారం సీబీఐ ప్రత్యేక కోర్టుకు హాజరయ్యేవారు. ఇక సీఎంగా బాధ్యతలు చేపట్టిన తరువాత కోర్టుకు హాజరయ్యే విషయంపై తనకు మినహాయింపు ఇవ్వాలని ఆయన పిటిషన్ దాఖలు చేసుకున్నారు. ఇప్పుడు తాను రాష్ట్రానికి సీఎంగా ఉన్నందున ముఖ్యమంత్రి హోదాలో కోర్టుకు హాజరు కావాలంటే అనవసరపు ఖర్చులు అవుతుందని ఆయన ఆ పిటిషన్‌లో పేర్కొన్నారు. దీనిపై గత కొన్ని రోజులుగా అటు జగన్ తరఫున, ఇటు సీబీఐ తరఫున గట్టిగానే వాదనలు వినిపించారు. ఇక ఈ పిటిషన్‌పై తాజాగా విచారించిన నాంపల్లి సీబీఐ కోర్టు ఆయనకు షాక్ ఇచ్చింది.