Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

‘ఆర్ఆర్ఆర్‌’కు మొదలైన మ్యూజిక్ సిట్టింగ్స్

, ‘ఆర్ఆర్ఆర్‌’కు మొదలైన మ్యూజిక్ సిట్టింగ్స్

టాలీవుడ్ టాప్ హీరోలు ఎన్టీఆర్, రామ్ చరణ్ తేజ్‌లతో దర్శకధీరుడు రాజమౌళి తెరకెక్కిస్తోన్న భారీ మల్టీస్టారర్ చిత్రం ‘ఆర్ఆర్ఆర్’. ప్రస్తుతం షూటింగ్ జరుపుకుంటోన్న ఈ చిత్రానికి తాజాగా మ్యూజిక్ సిట్టింగ్స్ ప్రారంభమయ్యాయి. ఈ విషయాన్ని సంగీత దర్శకుడు కీరవాణి తెలిపారు. ఈ మేరకు ట్విట్టర్‌లో పోస్ట్ చేసిన కీరవాణి.. ‘‘ఆర్ఆర్ఆర్ అప్‌డేట్స్- అల్యూమినియం ఫ్యాక్టరీలో మ్యూజిక్ సిట్టింగ్స్ జరిగాయి’’ అంటూ వెల్లడించారు.


కాగా పీరియాడిక్ కథాంశంతో తెరకెక్కుతోన్న ఈ చిత్రంలో చెర్రీ పోలీస్ పాత్రలో, ఎన్టీఆర్ బందీపోటుగా కనిపించనున్నట్లు వార్తలు వినిపిస్తున్నాయి. అలాగే ఎన్టీఆర్ సరసన హాలీవుడ్ హీరోయిన్, చెర్రీ సరసన బాలీవుడ్ భామ నటించనున్నట్లు తెలుస్తోంది. బాహుబలి లాంటి పెద్ద విజయం తరువాత రాజమౌళి తెరకెక్కిస్తోన్న ఈ చిత్రంపై అన్ని ఇండస్ట్రీలలో భారీ అంచనాలు ఉన్నాయి.