IRCTC Tour Package: పర్యటకులకు గుడ్‌న్యూస్.. ఐఆర్‌సీటీసీ కశ్మీర్‌ టూర్ ప్యాకేజీ.. పూర్తి వివరాలు!
IRCTC Tour Package: ఇండియన్ రైల్వేస్ కాటరింగ్ అండ్ టూరిజం కార్పొరేషన్ లిమిటెడ్(IRCTC) ప్రయాణికుల కోసం కీలక నిర్ణయాలు తీసుకుంటుంది. పర్యటకుల కోసం టూర్ ప్యాకేజీలను..
IRCTC Tour Package: ఇండియన్ రైల్వేస్ కాటరింగ్ అండ్ టూరిజం కార్పొరేషన్ లిమిటెడ్(IRCTC) ప్రయాణికుల కోసం కీలక నిర్ణయాలు తీసుకుంటుంది. పర్యటకుల కోసం టూర్ ప్యాకేజీలను అందుబాటులోకి తీసుకువస్తుంది. కశ్మీర్‌ అందాలను తిలకించేందుకు ప్రత్యేక టూర్ ప్యాకేజీని ఏర్పాటు చేసింది. అద్భుతమైన ప్రకృతి సౌందర్యాన్ని తిలకించేందుకు కశ్మీర్‌ అనువైన ప్రాంతం. కాశ్మీర్‌ను సందర్శించి దాని మనోహరమైన అందాన్ని అనుభవించాలని కోరుకునేవారికి ఇదో మంచి అవకాశం. కశ్మీర్‌లో పర్యటించాలనుకునే వారికి ఇప్పుడు శుభవార్త. ఇండియన్ రైల్వే క్యాటరింగ్ అండ్ టూరిజం కార్పొరేషన్ (ఐఆర్‌సీటీసీ) ఎల్లప్పుడూ కొన్ని బడ్జెట్ ఫ్రెండ్లీ టూర్ ప్యాకేజీలను అందిస్తోంది. IRCTC ఎక్సోటిక్ కాశ్మీర్ అనే ప్యాకేజీని ప్రవేశపెట్టింది.
ఆజాదీ కా అమృత్ మహోత్సవ్, దేఖో అప్నా దేశ్ ప్రచారంలో భాగంగా IRCTC తక్కువ బడ్జెట్‌తో కూడిన ట్రిప్ ప్యాకేజీని ప్రవేశపెట్టింది. IRCTC ఎక్సోటిక్ కాశ్మీర్ ప్యాకేజీ మిమ్మల్ని గుల్‌మార్గ్, పహల్గామ్, శ్రీనగర్, సోన్‌మార్గ్‌లతో సహా కాశ్మీర్ లోయలోని అత్యంత ప్రసిద్ధ గమ్యస్థానాలకు తీసుకెళ్తుంది. ఈ టూర్ ప్యాకేజీలో ఆరు రాత్రులు, ఏడు పగళ్లు ఉంటాయి. ఈ పర్యటన జూన్ 1న ప్రారంభమై జూన్ 7న ముగుస్తుంది. పర్యాటకులు రాంచీ నుంచి తమ విమానం ఎక్కాల్సి ఉంటుంది. ప్యాకేజీలో భోజనం, అల్పాహారం, రాత్రి భోజనం ఉంటుంది.
ప్యాకేజీ ధర వివరాలు:
ప్యాకేజీ ధర ట్రిపుల్ ఆక్యుపెన్సీపై ఒక్కో వ్యక్తి ఖర్చు రూ.32,600 కాగా, డబుల్ ఆక్యుపెన్సీకి రూ.33,950 చెల్లించాల్సి ఉంటుంది. ఇక సింగిల్ ఆక్యుపెన్సీకి రూ.48,620 వసూలు చేస్తారు. ఇదిలా ఉండగా, 5 నుంచి 11 ఏళ్లలోపు పిల్లలకు బెడ్‌తో రూ.29,950 వసూలు చేస్తారు. పిల్లలకు బెడ్‌ అవసరం లేదనుకుంటే రూ. 25,110కి తగ్గుతుంది.
ఎలా బుక్ చేసుకోవాలి
కాశ్మీర్‌ను సందర్శించాలనుకునే వారు IRCTC వెబ్‌సైట్ సందర్శించడం ద్వారా ఈ టూర్ ప్యాకేజీని బుక్ చేసుకోవచ్చు. ఇది కాకుండా, IRCTC టూరిస్ట్ ఫెసిలిటేషన్ సెంటర్, జోనల్ కార్యాలయాలు, ప్రాంతీయ కార్యాలయాల ద్వారా కూడా బుకింగ్ చేయవచ్చు.
ఇవి కూడా చదవండి: