చిన్న చిట్కాతో ప్రాణాపాయం నుంచి బయటపడిన బాలీవుడ్ స్టార్ సోదరి..! తెలిస్తే ఆశ్చర్యపోతారు
నేటి ఆధునిక కాలంలో సెడెంటరీ లైఫ్ స్టైల్, వ్యాయామం లేకపోవడం, జంక్ ఫుడ్స్ విపరీతంగా పెరగడం వల్ల చాలామంది ఎదుర్కొంటున్న ప్రధాన సమస్య ఫ్యాటీ లివర్. కాలేయంలో అనవసరమైన కొవ్వు పేరుకుపోవడాన్ని ఫ్యాటీ లివర్ అని పిలుస్తారు. దీనిని సరైన సమయంలో గుర్తించి జాగ్రత్తలు తీసుకోకపోతే కాలేయం వాపుకు గురై తీవ్రమైన మచ్చలు పడే ప్రమాదం ఉంది.
ప్రముఖ బాలీవుడ్ నటుడు హృతిక్ రోషన్ సోదరి సునైనా రోషన్ కూడా ఈ ప్రాణాంతక సమస్య బారిన పడ్డారు. ఆమెకు గ్రేడ్ 3 ఫ్యాటీ లివర్ ఉన్నట్లు వైద్యులు నిర్ధారించారు. అయితే తన పట్టుదల, క్రమశిక్షణతో ఆ వ్యాధిని ఆమె ఎలా జయించిందో తెలుసుకుంటే ఎవరైనా ఆశ్చర్యపోవాల్సిందే. సునైనా తన ప్రయాణాన్ని వివరిస్తూ ఇన్స్టాగ్రామ్లో పంచుకున్న ఆసక్తికరమైన విషయాలు ఇప్పుడు సోషల్ మీడియాలో వైరల్ అవుతున్నాయి.
సునైనా రోషన్ ఎదుర్కొన్న సవాళ్లు
తనకు గ్రేడ్ 3 ఫ్యాటీ లివర్ అని తెలిసినప్పుడు సునైనా తీవ్ర దిగ్భ్రాంతికి గురయ్యారు. జంక్ ఫుడ్స్ కి విపరీతంగా అలవాటు పడటం, ఆల్కహాల్ వ్యసనం తన ఆరోగ్య పరిస్థితిని మరింత దిగజార్చాయని ఆమె అంగీకరించారు. ప్రాసెస్ చేసిన ఆహార పదార్థాలు శరీరంలో ఏ విధంగా విషపూరితంగా మారుతాయో అప్పటివరకు ఆమె గుర్తించలేదు. తన రిపోర్టులు చూసిన తర్వాత ఆమె ముందు రెండు మార్గాలు ఉన్నాయి. ఒకటి ఆ సమస్యను నిర్లక్ష్యం చేయడం, రెండూ తన శరీరాన్ని తనే నయం చేసుకోవడం. ఆమె రెండవ మార్గాన్ని ఎంచుకుని తన జీవనశైలిని పూర్తిగా మార్చుకున్నారు.
Hrithi And His Sister1
ఫ్యాటీ లివర్ను రివర్స్ చేసిన విధానం
ఒక వ్యక్తి విపరీతంగా మద్యం సేవిస్తూ, ఊబకాయంతో బాధపడుతూ, రక్తంలోని చక్కెర స్థాయిలను గమనించకపోతే ఫ్యాటీ లివర్ కాలేయ దెబ్బతినడానికి దారితీస్తుంది. కానీ ప్రారంభ దశలో గుర్తిస్తే దీనిని మళ్ళీ సాధారణ స్థితికి తీసుకురావడం సాధ్యమేనని సునైనా నిరూపించారు. ఆమె ప్రతిరోజూ క్రమం తప్పకుండా వ్యాయామం చేయడం మొదలుపెట్టారు. బయట దొరికే జంక్ ఫుడ్స్ ను పూర్తిగా పక్కన పెట్టి, ఇంట్లో వండిన ఆరోగ్యకరమైన ఆహారాన్ని మాత్రమే తీసుకోవడం ప్రారంభించారు. మనసు ఒప్పుకోకపోయినా, శరీరం సహకరించకపోయినా మొండి పట్టుదలతో తన శిక్షణను కొనసాగించి గ్రేడ్ 3 స్థాయి నుండి కోలుకున్నారు.
వైద్య నిపుణుల సూచనలు
క్లీవ్ల్యాండ్ క్లినిక్ నివేదిక ప్రకారం ఫ్యాటీ లివర్ సమస్యను కేవలం జీవనశైలి మార్పులతోనే జయించవచ్చు. బరువు తగ్గడం, మద్యం అలవాటును పూర్తిగా మానుకోవడం, మధుమేహం లేదా అధిక కొలెస్ట్రాల్ వంటి సమస్యలు ఉంటే వాటిని మందుల ద్వారా అదుపులో ఉంచుకోవడం చాలా ముఖ్యం. అలాగే హెపటైటిస్ ఏ, బి వంటి వైరల్ ఇన్ఫెక్షన్లు సోకకుండా వ్యాక్సిన్లు వేయించుకోవడం వల్ల కాలేయానికి అదనపు రక్షణ లభిస్తుంది. శరీరం ఇచ్చే సంకేతాలను వినడం, సమయానికి స్పందించడం ద్వారా ఎటువంటి క్లిష్టమైన ఆరోగ్య సమస్య నుండి అయినా బయటపడవచ్చని సునైనా రోషన్ జీవితం మనకు నేర్పుతుంది. క్రమశిక్షణే మన ప్రాణాలను కాపాడుతుందని ఆమె చాటి చెప్పారు.