
నేటి ఆధునిక జీవనశైలిలో ఆరోగ్య సమస్యలు సర్వసాధారణం అవుతున్నాయి. ఈ తరుణంలో, పోషకాలు అధికంగా ఉండే ఆహారం తీసుకోవడం చాలా ముఖ్యం. మేక స్పెషల్ పార్ట్స్ కర్రీ.. ముఖ్యంగా మటన్ దబ్బా కూర అటువంటి ఆరోగ్యకరమైన ఎంపికలలో ఒకటి. మేక లేదా గొర్రె ఊపిరితిత్తులతో చేసి ఈ కూరను తెలుగు రాష్ట్రాల్లో చాలా మంది ఇష్టంగా తింటారు. ఆంధ్ర స్టైల్లో తయారయ్యే ఈ వంటకం రుచితో పాటు ఆరోగ్య ప్రయోజనాలను కూడా అందిస్తుంది. పిల్లలు, పెద్దలు ఇద్దరికీ నచ్చే ఈ కూర.. హిమోగ్లోబిన్ స్థాయిలను పెంచడం నుండి శ్వాసకోశ సమస్యలను తగ్గించడం వరకు అనేక విధాలుగా మేలు చేస్తుంది. దీనిలో పోషకాలు, ఖనిజాలు పుష్కలంగా ఉంటాయి.
మటన్ దబ్బా (Goat Lungs) ప్రోటీన్ తోపాటు.. ఎన్నో పోషకాలు దాగున్నాయి. అయితే.. మటన్ దబ్బాను మటన్ ప్రియులు ఇష్టంగా వండుకుని తింటారు.. మటన్ దబ్బా అనేది ప్రధానంగా మేక ఊపిరితిత్తులు (lungs) లేదా ఇతర అవయవాలతో చేసే ఒక రుచికరమైన, మసాలాతో కూడిన వంటకం.. దీనిని కొన్ని ప్రాంతాలలో పోటెల్ దబ్బా కూర.. లేదా దబ్బా గోష్ట్ అని కూడా అంటారు. తెలుగు రాష్ట్రాలు.. ఆంధ్రప్రదేశ్, తెలంగాణ ప్రాంతాల్లో మటన్ దబ్బ కూరను చాలా ఇష్టంగా తింటారు.
మటన్ దబ్బాలో ప్రోటీన్, ఐరన్, జింక్, విటమిన్ B12తోపాటు పోషకాలు పుష్కలంగా ఉన్నాయి.. ఇవి శరీరంలో రక్తాన్ని, ఎముకల సాంద్రతను పెంచడంతోపాటు.. కీళ్ల నొప్పిని తగ్గిస్తుంది. కండరాలను బలంగా మార్చడంతోపాటు.. మెదడు ఆరోగ్యాన్ని మెరుగుపరుస్తాయి. రోగనిరోధక శక్తిని పెంచి మొత్తం శరీరాన్ని బలంగా మార్చడంలో దబ్బా సహాయపడుతుంది. ఊపిరితిత్తుల ఆరోగ్యాన్ని మెరుగుపరుస్తుంది. ఇది బరువు పెరగడానికి (వెయిట్ గెయిన్) సహాయపడతాయి.. దీంతోపాటు పలు వ్యాధుల నుండి శరీరాన్ని రక్షిస్తాయి.
మసాలా పేస్ట్ కోసం: ఒక గుప్పెడు కొత్తిమీర, 2 మధ్యస్థ సైజు ఉల్లిపాయలు (ముక్కలుగా కోసినవి), 6-7 ఎండుమిరపకాయలు, 2 టీ స్పూన్ల మిరియాలు, 1 టీ స్పూన్ జీలకర్ర, 1 టీ స్పూన్ అల్లం వెల్లుల్లి పేస్ట్, ఒక గుప్పెడు పుదీనా, 2 టమాటాలు (ముక్కలుగా కోసినవి).
వంట కోసం: మేక దబ్బా, 3 టేబుల్ స్పూన్ల నూనె, రుచికి సరిపడా ఉప్పు, 1/2 టీ స్పూన్ పసుపు, 2 కప్పుల నీళ్లు, గార్నిష్ కోసం కొత్తిమీర.
మసాలా పేస్ట్ తయారీ: ముందుగా పైన పేర్కొన్న కొత్తిమీర, ఉల్లిపాయలు, ఎండుమిరపకాయలు, మిరియాలు, జీలకర్ర, అల్లం వెల్లుల్లి పేస్ట్, పుదీనా, టమాటాలను బ్లెండర్లో వేసి మెత్తని పేస్ట్గా తయారుచేసుకోవాలి.
మొదట, కుక్కర్ను స్టవ్ మీద పెట్టి, 3 టేబుల్ స్పూన్ల నూనె వేయాలి. నూనె వేడైన తర్వాత, మనం సిద్ధం చేసుకున్న మసాలా పేస్ట్ను వేయాలి.
ఈ మసాలా పేస్ట్ను నూనెలో పచ్చి వాసన పూర్తిగా పోయే వరకు బాగా వేయించాలి. ఇది కూరకు మంచి సువాసనను ఇస్తుంది.
తరువాత, శుభ్రం చేసి, గాట్లు పెట్టి సిద్ధంగా ఉంచుకున్న మేక ప్రత్యేక భాగాలను కుక్కర్లోకి చేర్చాలి.
దీనిలో రుచికి సరిపడా ఉప్పు, 1/2 టీ స్పూన్ పసుపు వేసి, కూరంతా కలిసేలా బాగా కలుపుకోవాలి.
ఈ మిశ్రమాన్ని పచ్చి వాసన పోయేలా ఐదు నిమిషాల పాటు వేయించాలి.
ఇప్పుడు, 2 కప్పుల నీళ్లు పోసి, ఒకసారి బాగా కలిపి, కుక్కర్ మూత పెట్టాలి.
రెండు నుండి మూడు విజిల్స్ వచ్చే వరకు ఉడికించాలి. ఈ కూర ఉడకడానికి ఎక్కువ సమయం పట్టదు.
విజిల్స్ వచ్చిన తర్వాత, స్టవ్ ఆపి, ఆవిరి పూర్తిగా పోయే వరకు కుక్కర్ను అలానే ఉంచాలి.
ఆవిరి తగ్గిన తర్వాత మూత తీస్తే, ముక్కలు బాగా ఉడికి నూనె పైకి తేలి ఉంటుంది.
దీనిని ఒకసారి బాగా కలిపి, సన్నగా తరిగిన కొత్తిమీరతో గార్నిష్ చేసి సర్వింగ్ బౌల్లోకి తీసుకోవాలి.
ఈ మటన్ దబ్బా కూర కేవలం రుచికరమైనదే కాదు, ఆరోగ్యానికి ఎంతో మేలు చేస్తుంది. ఈ సులభమైన రెసిపీని మీ ఇంట్లో ప్రయత్నించి, దాని పోషక ప్రయోజనాలను ఆస్వాదించండి.