Health Tips: ఇలాంటి పనులు చేస్తున్నారా.. అయితే, మెదడు ప్రమాదంలో పడ్డట్లే..

Brain

వృద్ధాప్యంతో పాటు, మీ శరీరం, మనస్సులో కూడా మార్పులు చోటుచేసుకుంటాయి. వయస్సుతో, మెదడు బయటి పొర సన్నబడటం ప్రారంభమవుతుంది. దీని కారణంగా, ఆ వ్యక్తి విషయాలను అర్థం చేసుకునే, గుర్తుంచుకోగల సామర్థ్యం ప్రభావితమవుతుంది. మెదడు కుంచించుకుపోవడానికి ఎన్నో అంశాలు కారణమై ఉండోచ్చు. వాటిని తెలుసుకుని, వదిలేస్తే, మరలా మన మెదడు చురుకుగా తయారవుతుంది. అవేంటో ఇప్పుడు తెలుసుకుందాం. మీరు మధ్యవయస్సుకు చేరుకున్నప్పుడు, మీ శరీరం, మీ మనస్సులో చాలా మార్పులు జరగడం ప్రారంభిస్తాయి. 30 నుంచి 40 సంవత్సరాల వయస్సు వచ్చేసరికి, మీ మెదడు కుంచించుకుపోతుంది. అదే సమయంలో, మీరు 60 ఏళ్ళకు చేరుకున్న వెంటనే, మెదడు సంకోచం రేటు చాలా వేగంగా పెరగడం ప్రారంభమవుతుంది.

మెదడు ఎప్పుడూ అన్ని వైపుల నుంచి ఒకేసారి కుంచించుకుపోదని, కొన్ని చోట్ల నుంచి నెమ్మదిగా, కొన్ని చోట్ల నుంచి వేగంగా కుంచించుకుపోవడం ప్రారంభిస్తుంది. మీరు పెద్దయ్యాక, మెదడు కుంచించుకుపోయే ఈ సమస్య మరింత తీవ్రమవుతుంది. మెదడు కుంచించుకుపోయే సమస్యను మరింతగా పెంచే కొన్ని విషయాల గురించి ఈ రోజు మనం తెలుసుకుందాం.

దీర్ఘకాలిక వెన్నునొప్పి- చాలా కాలంగా కొనసాగుతున్న వెన్నునొప్పి సమస్య వల్ల మెదడు కుంచించుకుపోయే సమస్య 11 శాతం పెరుగుతుంది. నార్త్‌వెస్టర్న్ యూనివర్శిటీ పరిశోధకుల 2004 అధ్యయనం ప్రకారం, వెన్నునొప్పి సమస్య గ్రే మ్యాటర్ సన్నబడటం వల్ల ఎదుర్కొంటుంది. గ్రే మేటర్ అనేది మన మెదడు కేంద్ర నాడీ వ్యవస్థలో ఒక ముఖ్యమైన భాగం. కండరాల నియంత్రణ, చూడటం, వినడం, జ్ఞాపకశక్తి మొదలైన వాటికి బాధ్యత వహిస్తుంది.

ఆల్కహాల్- ఎక్కువగా ఆల్కహాల్ తీసుకోవడం వల్ల మెదడు కుంచించుకుపోతుంది. పరిశోధకుల అభిప్రాయం ప్రకారం, అధిక మొత్తంలో ఆల్కహాల్ తాగడం మెదడు నిర్మాణం, పరిమాణంపై చెడు ప్రభావం చూపుతుంది. ఇది జ్ఞాపకశక్తిని కూడా ప్రభావితం చేస్తుంది.

ఇంటర్నెట్ వ్యసనం – ఇంటర్నెట్ వ్యసనం మెదడును కుదించగలదు. జూన్‌లో, సైంటిఫిక్ అమెరికన్‌లో ప్రచురించిన ఒక పరిశోధన కళాశాలకు వెళ్లే యువత మెదడులపై ప్రయోగాలు చేసింది. ఇందులో ఇంటర్నెట్‌ను ఎక్కువగా ఉపయోగించడం వల్ల ఈ యువకుల మెదడులోని చాలా చిన్న ప్రాంతాలు కుచించుకుపోయినట్లు తేలింది. కొంతమంది యువతలో, ఈ సమస్య 10 నుంచి 20 శాతం ఉన్నట్లు తేలింది.

తక్కువ నిద్రపోవడం- నిద్ర లేకపోవడం వల్ల మెదడు కుంచించుకుపోయే సమస్య కూడా ఎదురవుతుంది. ఇది కాకుండా, నిద్ర సమస్య ఉన్నవారిలో, వారి మెదడు కాలక్రమేణా తగ్గిపోతుంది. పరిశోధకుల అభిప్రాయం ప్రకారం, తక్కువ నిద్రపోయే వృద్ధులలో, మెదడు కుంచించుకుపోయే ఈ సమస్య చాలా వేగంగా పెరుగుతుంది.

హెవీ వెజిటబుల్ డైట్- హెవీ వెజిటబుల్ డైట్ తీసుకోవడం వల్ల మెదడు వేగంగా కుంచించుకుపోయే సమస్యను కూడా ఎదుర్కోవాల్సి వస్తుంది. ఆహారంలో విటమిన్ బి12 లేకపోవడం వల్ల ఈ సమస్య వస్తుంది. 2008 అధ్యయనంలో, విటమిన్ B12 లోపం మెదడుకు మంచిది కాదని పరిశోధకులు కనుగొన్నారు. నాన్ వెజ్ అస్సలు తీసుకోని వ్యక్తుల్లో మెదడు కుంగిపోయే ప్రమాదం 6 రెట్లు ఎక్కువగా ఉంటుంది.

మరిన్ని హెల్త్ న్యూస్ కోసం ఇక్కడ క్లిక్ చేయండి..

Also Read: Grapes: ఫ్రిడ్జ్‌లో స్టోర్ చేయకపోయినా.. ద్రాక్ష పండ్లు తాజాగా ఉండాలంటే.. ఇలా చెయ్యండి.

Healthy Oats: త్వరగా బరువు తగ్గాలని భావిస్తున్నారా?.. ఓట్స్‌ని ఈ 4 విధాల్లో తీసుకోండి..