తెలంగాణలో ఎంబీఏ, ఎంసీఏ కాలే‌జీ సీట్ల భర్తీ ప్రక్రియ.. ఈ నెల 6 నుంచి ఐసెట్‌ కౌన్సెలింగ్..
తెలంగాణలో ఐసెట్‌ కౌన్సెలింగ్ ప్రక్రియ ఈ నెల 6 నుంచి ప్రారం‌భం‌కా‌ను‌న్నది. ఎంబీఏ, ఎంసీఏ కాలే‌జీ‌ల్లో సీట్ల భర్తీ కోసం ఈ నెల 6 నుంచి 11 వరకు సర్టిఫికెట్ల పరిశీలన స్లాట్‌ బుకింగ్‌ కోసం గడువు విధించారు.
తెలంగాణలో ఐసెట్‌ కౌన్సెలింగ్ ప్రక్రియ ఈ నెల 6 నుంచి ప్రారం‌భం‌కా‌ను‌న్నది. ఎంబీఏ, ఎంసీఏ కాలే‌జీ‌ల్లో సీట్ల భర్తీ కోసం ఈ నెల 6 నుంచి 11 వరకు సర్టిఫికెట్ల పరిశీలన స్లాట్‌ బుకింగ్‌ కోసం గడువు విధించారు. 8 నుంచి 12వ తేదీ‌వ‌రకు విద్యార్థుల సర్టి‌ఫి‌కేట్లను పరి‌శీ‌లి‌స్తారు. 8 నుంచి 13 వరకు సర్టిఫికెట్ల పరి‌శీ‌ల‌నకు హాజ‌ర‌య్యే‌వా‌రికి వెబ్‌ కౌన్సె‌లిం‌గ్‌లో పాల్గొ‌న‌డా‌నికి అవకాశం కల్పించినట్లు ఉన్నత విద్యామండలి అధికారులు వెల్లడించారు. ఈనెల 15వ తేదీన మొదటి విడుత ఎంబీఏ, ఎంసీఏ సీట్లను కేటాయించనున్నారు.
ఈనెల 22 నుంచి రెండో విడుత కౌన్సెలింగ్ ప్రారంభమవనుంది. డిసెంబర్‌ 22న స్లాట్‌ బుకింగ్‌, 23న సర్టిఫికెట్ల పరిశీలన చేపడుతారు. సర్టిఫికెట్ల పరిశీలన పూర్తయినవారు 22 నుంచి 24 వరకు వెబ్‌ ఆప్షన్లు నమోదు చేసుకోవడానికి అవకాశం కల్పించారు. ఈనెల 26న చివరి విడుత కౌన్సిలింగ్ పూర్తయ్యాక విద్యార్థులకు సీట్లను కేటాయించనున్నారు. మిగిలిన సీట్లకు ఈనెల 28న స్పాట్‌ అడ్మిషన్ల ద్వారా భర్తీ చేయనున్నారు. అయితే ఇందుకు సంబంధించి విదివిధా నాలను ప్రకటించాల్సి ఉంది.
కాగా, ఐసెట్‌ సీట్ల కేటాయింపు ప్రక్రియ ఇప్పటికే పూర్తికావాల్సి ఉన్నది. అయితే గత నెలలో జీహెచ్‌ఎంసీ ఎన్నికల నోటిఫికేషన్‌ విడుదల కావడంతో కౌన్సెలింగ్ ప్రక్రియను ఉన్నత విద్యామండలి వాయిదా వేసింది. కౌన్సెలింగ్ కేంద్రాల్లో కూడా ఎన్నికల పోలింగ్‌ సెంటర్లను ఏర్పాటు చేయడంతో ఈమేరకు నిర్ణయం తీసుకున్నారు. రేపటితో జీహెచ్‌ఎంసీ ఎన్నికల ప్రక్రియ పూర్తికానుండటంతో తాజాగా ఐసెట్‌ కౌన్సెలింగ్ షెడ్యూల్‌ను ప్రకటించింది.