సుధీర్ బాబు చేసిన పనికి షాక్‌ అవుతోన్న నెటిజన్లు!

టాలీవుడ్ హీరో సుధీర్ బాబు చేసిన పనిని చూసి సోషల్ మీడియా నెటిజన్లు షాక్ అవుతోన్నారు. ఆయన ఎలా ఇలా చేశారని ఆశ్చర్యం వ్యక్తం చేస్తున్నారు. రాత్రికి రాత్రే సుధీర్ తాంత్రిక విద్యలు నేర్చుకున్నాడా? అందుకే ఇలా గాల్లో ఆసనాలు వేస్తున్నాడా? అంటూ షాక్ అవుతున్నారు. కానీ ఈ ఫొటోలను చూస్తుంటే అలానే అనిపిస్తోంది. నిజంగా నమ్మబుద్ధి కావట్లేదు. అది ఫొటోషాప్ మ్యాజిక్‌ కూడా కాదు.

మరి గాల్లో సుధీర్ ఎలా తేలుతున్నాడని మీరు అనుకుంటున్నారా? అందుకు జవాబు కూడా తన ట్విట్టర్‌లో తెలిపాడు సుధీర్. ‘ఇందులో ఎలాంటి మాయలు.. మంత్రాలు లేవని. గాల్లో ఎగురుతూ రకరకాల ఆసనాలు ప్రయత్నించా.. ఈ క్రమంలోనే కెమెరాకు ఈ రెండు ఫొటోలు చిక్కాయని’ తెలిపాడు. వీటిని ట్విట్టర్‌లో పంచుకోగా.. నెటిజన్లు పలు ఫన్నీ కామెంట్స్ చేస్తున్నారు. ప్రస్తుతం ఈ ఫొటోలు ఫుల్ వైరల్‌గా మారాయి. కాగా.. ప్రస్తుతం మెహన్‌కృష్ణ ఇంద్రగంటి దర్శకత్వం వహిస్తోన్న ‘వి’ సినిమాలో నటిస్తున్నాడు. ఈ సినిమాలో నాని విలన్ రోల్‌ చేస్తున్నాడు.