అవును.. ఈ ఇద్దరు ప్రేమలో పడ్డారు…

బాలీవుడ్ యువ హీరో సుశాంత్ సింగ్ రాజ్‌పుత్ ఆత్మహత్యపై రోజుకో కథనం వెలుగుచూస్తోంది. తాజాగా మరో కొత్త సంగతి బయటకొచ్చింది. సుశాంత్ స్నేహితుడు స్నేహితుడు శామ్యూల్​ హౌకిప్​  కొన్ని ఆశ్చర్యకర విషయాలను బయట పెట్టాడు. ‘కేదార్​నాథ్​’ చిత్రీకరణలో నటి సారా అలీఖాన్​తో సుశాంత్ ప్రేమలో పడ్డాడని.. ‘సోంచిరియా’ చిత్రం విడుదలైన తర్వాత వారిద్దరూ విడిపోయారని సంచలన విషయాన్ని చెప్పాడు. దీని వెనుక బాలీవుడ్​ మాఫియా పాత్ర ఉండివుండచ్చని అభిప్రాయపడ్డాడు.

‘కేదార్​నాథ్​’ షూటింగ్ సమయంలో సుశాంత్​, సారా అలీఖాన్​లు ఒకరినొకరు గాఢంగా ప్రేమించుకున్నారని… శామ్యూల్​ సోషల్​మీడియాలో వెల్లడించాడు. సుశాంత్​ నటించిన ‘సోంచిరియా’ చిత్రం విడుదల వరకు ఈ ఎఫెక్సన్  కొనసాగిందని ఇన్​స్టాగ్రామ్​లో పేర్కొన్నాడు.

సుశాంత్​, సారా.. ప్రేమ వ్యవహారంపై వస్తున్న వార్తలపై నటి కంగనా రనౌత్​ టీమ్​ ట్విట్టర్​లో స్పందించింది. “సుశాంత్​, సారాల ప్రేమ వ్యవహారం మీడియాకు తెలుసు. అవుట్​డోర్​ షూటింగ్​లకు వెళ్లినప్పుడు వారిద్దరూ కలిసి ఒకే గదిలో ఉండేవారు. ఇలాంటి హాని కలిగించే ఫ్యాన్సీ నెపోటిజం వ్యక్తులు బయటివారికి కలలు చూపిస్తూ.. వారిని బహిరంగంగా ఎందుకు వదిలేస్తున్నారు?” అని  ప్రశ్నించింది కంగనా రనౌత్​ టీమ్​. సుశాంత్​సింగ్​ రాజ్​పుత్​, సారా అలీఖాన్​ల ప్రేమ వ్యవహారం గురించి గతంలో చాలా ప్రచారం జరిగిందని… కానీ, దీనిపై వారిద్దరిలో ఎవరూ స్పందించలేదన్నారు. ప్రస్తుతం శామ్యూల్​ చేస్తున్న వాదనలు బాలీవుడ్​లో అలజడి రేపుతున్నాయి. అయితే ఈ విషయంపై నటి సారా అలీఖాన్​ ఏ విధంగా స్పందిస్తుందోనని సుశాంత్​  ఫ్యాన్స్ ఎదురుచూస్తున్నారు.