కరెంట్ బిల్లు కట్టలేక కటకటా ! స్టార్ ప్రొడ్యూసర్ ఆవేదన
ప్రస్తుతం తెలుగు ఇండస్ట్రీలో సినిమాలు తీసే నిర్మాతలు తగ్గిపోతున్నారని.. అసలు చిన్న సినిమాలకు లైఫ్ లేదని చెబుతున్నారు ప్రముఖ ప్రొడ్యూసర్ సురేష్ బాబు. తాను నిర్వహిస్తున్న థియేటర్స్కు కనీసం కరెంట్ బిల్ కూడా కట్టలేని స్టేజ్లో ఉండటం తనకే ఆశ్చర్యం కలిగిస్తుందని చెప్పాడాయన. వీటన్నిటికీ కారణం అమెజాన్ , నెట్ ఫ్లిక్స్ లాంటి ఆన్ లైన్ స్ట్రీమింగ్ సర్వీసులే అంటున్నాడు సురేష్ బాబు. తెలుగు ఇండస్ట్రీలో ఇప్పుడు డిజిటల్ రైట్స్ రూపంలో కొత్త విప్లవం మొదలైంది. ఒకప్పుడు […]
ప్రస్తుతం తెలుగు ఇండస్ట్రీలో సినిమాలు తీసే నిర్మాతలు తగ్గిపోతున్నారని.. అసలు చిన్న సినిమాలకు లైఫ్ లేదని చెబుతున్నారు ప్రముఖ ప్రొడ్యూసర్ సురేష్ బాబు. తాను నిర్వహిస్తున్న థియేటర్స్కు కనీసం కరెంట్ బిల్ కూడా కట్టలేని స్టేజ్లో ఉండటం తనకే ఆశ్చర్యం కలిగిస్తుందని చెప్పాడాయన. వీటన్నిటికీ కారణం అమెజాన్ , నెట్ ఫ్లిక్స్ లాంటి ఆన్ లైన్ స్ట్రీమింగ్ సర్వీసులే అంటున్నాడు సురేష్ బాబు.
తెలుగు ఇండస్ట్రీలో ఇప్పుడు డిజిటల్ రైట్స్ రూపంలో కొత్త విప్లవం మొదలైంది. ఒకప్పుడు సినిమా విడుదలయ్యాక రెండు మూడు నెలలకు గానీ ఒరిజినల్ ప్రింట్స్ వచ్చేవి కావు. ఆ సినిమాలు టీవీలో ప్రసారం అవ్వడానికి కూడా చాలా నెలలు పట్టేది.. కానీ ఇప్పుడు పరిస్థితి మొత్తం మారిపోయింది.. విడుదలైన నెలలోపే ఒరిజినల్ హెచ్ డీ ప్రింట్స్ అందుబాటులోకి వచ్చేయడంతో ప్రేక్షకులు సినిమాహాళ్లకు రావడం మానేసారంటూ ఆయన వాపోయారు.. ఒక రకంగా చూసుకుంటే దీనివల్ల నిర్మాతలకు కూడా లాభాలే ఉంటాయి.. థియెట్రికల్ రైట్స్, శాటిలైట్, ఆడియో రైట్లతో పాటు ఇప్పుడు డిజిటల్ రైట్స్ కూడా కోట్లు కురిపిస్తున్నాయి. కానీ లాంగ్ రన్ లో మాత్రం దీనివల్ల ఇండస్ట్రీకి నష్టాలు వస్తాయని చెప్పారు.. ఇక డిజిటల్ రైట్స్పై తెలుగు సినిమా నిర్మాతల మండలి ఈ మధ్యే ఓ సంచలన నిర్ణయం తీసుకుంది. ఇప్పట్నుంచి విడుదలైన ప్రతీ సినిమాను కేవలం మూడు నాలుగు వారాల్లోనే అమెజాన్, నెట్ ఫ్లిక్స్ లలో విడుదల చేస్తామంటే కుదరదు.. తప్పకుండా 8 వారాలు రన్ ముగిసిన తర్వాతే సినిమా విడుదల చేయాల్సిందిగా షరతును విధించారు.