ఇక్కడ పాజిటివ్, అక్కడ నెగెటివ్, ఎంపీ కరోనా టెస్టుల్లో తికమక !

రాష్ట్రీయ లోక్ తాంత్రిక్ పార్టీకి చెందిన జాతీయ కన్వీనర్, ఎంపీ హనుమాన్ బేనివాల్ కి చిక్కొఛ్చి పడింది. తాను ఈ నెల 11 న పార్లమెంట్ హౌస్ లోని కేంద్రంలో కరోనా  టెస్ట్ చేయించుకున్నప్పుడు పాజిటివ్ వచ్చిందని, కానీ నిన్నటికి నిన్న జైపూర్ లో టెస్ట్ చేయించుకోగా నెగెటివ్ రిపోర్టు వచ్చిందని ఆయన ట్వీట్ చేశారు. ఆ రిపోర్టులను కూడా చూపారు. ఈ రెండు రిపోర్టుల్లో దేన్ని నమ్మాలి అని హనుమాన్ ప్రశ్నించారు. ‘ఏమైనా నేను పూర్తి ఆరోగ్యంగా ఉన్నాను. అన్నట్టు ఇవాళ మూడో రిపోర్టులో నెగెటివ్ అని వచ్చింది’ అని ఆయన ఆనందంతో తెలిపారు.  ఇది ఒక ఎంపీకి కలిగిన అనుభవమే కాదని, సాధారణ ప్రజల్లో కూడా ఈ విధమైన విచిత్రమైన అనుభవం కలిగిందని విశ్లేషకులు అంటున్నారు. దీనిపై డాక్టర్లు స్పష్టత ఇవ్వాలని వారు కోరుతున్నారు.