Dark Knees Care Tips: మోచేతులు, మోకాళ్లు, పాదాలు డార్క్‌గా ఉన్నాయా.. కాఫీపొడి, నిమ్మకాయతో ఇలా చేసి చూడండి..
వర్షాకాలంలో నీటిలో తడవడం సర్వసాధారణం.. దీంతో పాదాల సమస్యలను ఎదుర్కోవాల్సి వస్తుంది. చర్మం పొరలుగా విడిపోయి.. పొడిగా మారడమే కాదు.. పగిలిన చర్మంతో దురద పెడుతూ ఉంటుంది. కనుక బయటి నుండి తిరిగి వచ్చిన తర్వాత ముందుగా పాదాలను శుభ్రంగా కడుక్కోవాలి.
మార్కెట్ చేసిన క్రీములకు బదులు ఇంట్లోనే ఈ ప్యాక్ తయారు చేసుకోండి. కాఫీ, నిమ్మకాయ మరియు పంచదారతో చేసిన ఈ ప్యాక్ మీ పాదాలను బాగా శుభ్రపరుస్తుంది
వర్షాకాలంలో నీటిలో తడవడం సర్వసాధారణం.. దీంతో పాదాల సమస్యలను ఎదుర్కోవాల్సి వస్తుంది. చర్మం పొరలుగా విడిపోయి.. పొడిగా మారడమే కాదు.. పగిలిన చర్మంతో దురద పెడుతూ ఉంటుంది. కనుక బయటి నుండి తిరిగి వచ్చిన తర్వాత ముందుగా పాదాలను శుభ్రంగా కడుక్కోవాలి.
అనంతరం పాదాలను సబ్బుతో రుద్ది.. ఆపై పాదాలను వెచ్చని నీటిలో నానబెట్టండి. ఇలా చేయడం మురికిని తొలగిస్తుంది. పాదాల చర్మం మృదువుగా మారుతుంది.
పాదాలు మురికిగా, చర్మం పగిలిపోయి ఉంటే .. మోకాళ్లపై ముదురు మచ్చలతో ఎటువంటి స్టైలిష్, పొట్టి దుస్తులు ధరించలేము. అలాంటప్పుడు ఈ సింపుల్ వంటింటి చిట్కాలను పాటించి చూడండి. మోకాళ్లపై నల్ల మచ్చలు ఈ హోం రెమెడీస్ ఫలించినంతగా బ్లీచ్ లేదా కెమికల్స్ కూడా పనిచేయవు అని చెప్పవచ్చు.
కాఫీ, బేకింగ్ సోడా సమాన పరిమాణంలో కలపాలి. అందులో ఒక నిమ్మరసం, చక్కెర లేదా ఉప్పు కలపండి. ఈ మిశ్రమాన్ని పాదాలకు.. మోకాళ్ల మీద నలుపుమీద అప్లై చేయాలి. దీంతో పాదాల్లోని మురికిని తేలికగా తొలగిస్తుంది.
ఈ మిశ్రమాన్ని చీలమండలు, పాదాలు, మోకాళ్లపై చాలా బాగా అప్లై చేయాలి. ముఖ్యంగా చీలమండల దగ్గర బాగా అప్లై చేయండి. ఇది మృతకణాలను తొలగించి పాదాల చర్మం మృదువుగా మారుతుంది. ఈ మిశ్రమాన్ని అప్లై చేసిన తర్వాత నిమ్మతొక్కతో బాగా రుద్దడం మర్చిపోవద్దు. ఇది మురికిని వేగంగా తొలగిస్తుంది. గోర్లు, చీలమండలు, మోకాళ్లను నిమ్మతొక్కతో బాగా రుద్దండి. అనంతరం నీటితో కడగాలి లేదా తడి టిష్యూతో బాగా తుడవండి.
మొత్తం స్క్రబ్ చక్కగా వచ్చేలా చూసుకోండి. అనంతరం పాదాలు, మోకాళ్లు, చీలమండలను శుభ్రంగా కడిగి, ఆరబెట్టి, తుడవండి. అనంతరం తేలికపాటి మాయిశ్చరైజర్‌ను అప్లై చేయండి.
కాఫీ, చక్కెర, ఉప్పు చాలా మంచి ఎక్స్‌ఫోలియేటర్‌లు. చర్మంలోని మురికి, మృతకణాలన్నింటినీ తొలగిస్తాయి. ఈ సింపుల్ చిట్కా తో పార్లర్‌కు వెళ్లకుండా ఇంట్లోనే చేతులు, కాళ్లను ఇలా రుద్దండి. ఇలా చేయడం వలన పాదాలు రెండు రోజుల్లో మెరుపు సంతరించుకుంటాయి.