సెప్టెంబర్ 28న క్లాట్ పరీక్ష.. త్వరలోనే అడ్మిట్ కార్డులు.!

CLAT 2020: జాతీయ న్యాయ విశ్వ విద్యాలయాల కన్సార్టియం కామన్ లా అడ్మిషన్ టెస్ట్(క్లాట్) 2020 తేదీని విడుదల చేసింది. తాజా షెడ్యూల్ ప్రకారం క్లాట్ 2020 యూజీ, పీజీ ఎగ్జామ్స్ సెప్టెంబర్ 28న నిర్వహించనున్నారు. వాస్తవానికి సీఎల్ఏటీ వచ్చే నెల 7వ తేదీన జరగాల్సి ఉండగా.. కరోనా వ్యాప్తి నేపథ్యంలో పరీక్ష తేదీని మార్చాలని ఎగ్జిక్యూటివ్ కమిటీ ఆఫ్ ది కన్సార్టియం ఆఫ్ నేషనల్ లా యూనివర్సిటీ తాజాగా జరిగిన సమావేశంలో నిర్ణయం తీసుకున్నారు. కాగా, అడ్మిట్ కార్డులు, ఇతర వివరాలకు సంబంధించి అభ్యర్థులు, వారి తల్లిదండ్రులు consortiumofnlus.ac.in వెబ్‌సైట్, 080-47162020 నెంబర్‌ను సంప్రదించాలని ‌క్లాట్ 2020 కన్వీనర్ ప్రొఫెసర్ బాలరాజ్ చౌహన్ సూచించారు. (కరోనా చికిత్స.. ఆ రెండు టాబ్లెట్స్ కలిపి వాడితే ముప్పే..!)