కళ్ల ముందే కుప్పకూలిన భవనం

ఏం పెట్టి కట్టాడో మేస్త్రీ ఆ ఇంటిని..! చూస్తుండగానే పుసుక్కున కూలిపోయింది.. ఒడిశాలోని మయూర్బంజ్‌ జిల్లా మధుబన్‌లో జరిగిందీ ఘటన.. గత కొన్ని రోజులుగా భారీ వర్షాలు కురుస్తుండటమే భవనం కూలడానికి కారణమని కొందరు చెబుతున్నారు కానీ పక్కనే ఉన్న భవనం చెక్కు చెదరకుండా ఉండింది కదా అంటున్నారు మరి కొందరు.. ఇల్లు కూలితే కూలింది.. ఎవరికీ ఏమీ కాలేదు.. అదే ఆనందం అంటున్నారు ఇంకొందరు. భ‌వ‌నం కూలే స‌మ‌యంలో ఇంట్లో వాళ్లంతా బ‌య‌ట‌కు పరుగెత్తుకుంటూ వచ్చేశారు కాబట్టి ప్రమాదం తప్పింది. ఇంట్లో వున్న విలువైన వస్తువులను తెచ్చుకునే టైమ్‌ లేకుండా పోయింది.. ఏది ఏమైనా కష్టపడి కట్టుకున్న ఇల్లు కంటి ముందు కూలిపోవడంతో యజమాని కన్నీళ్లు పెట్టుకున్నాడు..