Breaking News
  • దేశవ్యాప్తంగా 121 మంది దర్యాప్తు అధికారులకు కేంద్ర హోంమంత్రి పతకాలు. దర్యాప్తులో ప్రతిభ చూపిన కేంద్ర దర్యాప్తు విభాగాల అధికారులకు పతకాలను ప్రకటించిన కేంద్రం. సీబీఐ హైదరాబాద్ ఎస్పీ కళ్యాణ్ కు కేంద్ర హోంమంత్రి పతకం.
  • రాంగోపాల్ వర్మ తాజాగా ప్రకటించిన "అర్నబ్ ద న్యూస్ ప్రాస్టిట్యూట్" సినిమా మోషన్ పోస్టర్ విడుదల. సుశాంత్ సింగ్ మరణం తరువాత మీడియాలో వచ్చిన కొన్ని వార్తల పట్ల ఘాటుగా స్పందించిన వర్మ. బాలీవుడ్ పెద్దలు మీడియాకు భయపడి దాక్కున్నారంటూ వ్యాఖ్యలు. ఆనేపద్యంలో ఆర్నాబ్ పై సినిమా చేస్తానని ప్రకటన.
  • విజయవాడ: జూనియర్ డాక్టర్ల స్టైఫండ్ మొత్తాన్ని పెంచుతూ ap ప్రభిత్వం ఉత్తర్వులు. హౌస్ సర్జన్, పిజి డిగ్రీ, డిప్లొమా, డెంటల్, సూపర్ స్పెషలిటీ విద్యార్థులకు పెంపు. ఎంబీబీఎస్ విద్యార్థులకు 19,589. పిజి డిగ్రీ విద్యార్థులకు 1 ఇయర్ 44,075, 2 ఇయర్ 46,524, 3 ఇయర్ 48, 973 కు పెంపు.
  • అమరావతి : నేడు ఎమ్మెల్సీ స్థానానికి నామినేషన్ దాఖలు చేయనున్న పెన్మత్స సరేష్‌బాబు. మోపిదేవి వెంకటరమణ రాజీనామాతో ఉపఎన్నిక . దివంగత సీనియర్‌ నాయకులు, విజయనగరం జిల్లాకు చెందిన పెన్మత్స సాంబశివరాజు తనయుడు సురేష్‌బాబు.
  • సంగారెడ్డిలోని అమీన్పూర్ అనాధాశ్రమం లో దారుణం. పద్నాలుగేళ్ల మైనర్ అమ్మాయి పై ఆశ్రమ నిర్వాహకులు అత్యాచారం. అమ్మాయికి మత్తు మందు ఇచ్చి పలుమార్లు అత్యాచారం పాల్పడ్డ నిర్వాహకుడు. నిర్వాహకుడి గదిలోకి ప్రతిరోజు పంపించిన వార్డెన్. అత్యాచార విషయాన్ని బయటకు చెబితే చంపేస్తానని బెదిరింపు. తీవ్ర అనారోగ్యంతో బోయిన్పల్లిలోని బంధువుల ఇంటికి వచ్చిన బాలిక. బాలికను ఆసుపత్రికి వెళ్ళితే బయత్పడ్డ అత్యాచార విషయం. అమీన్పూర్ ఆశ్రమ నిర్వాహకులపై కేసు నమోదు చేసిన పోలీసులు . ఆస్పత్రిలో చికిత్స పొందిన మైనర్ బాలిక మృతి. మైనర్ బాలికపై అత్యాచారం పాల్పడ్డ నిర్వాహకులతో పాటు వార్డెన్ అరెస్ట్ చేసిన పోలీసులు.
  • విజయవాడ : స్వర్ణప్యాలెస్ హోటల్ లో కోవిడ్ కేర్ సెంటర్ అగ్నిప్రమాదంపై రిపోర్ట్ రెడీ . కలెక్టర్ ఇంతియాజ్ కు రిపోర్ట్ ను నేడు అందచేయనున్న జాయింట్ కలెక్టర్ శివశంకర్ నేత్రుత్వంలోని కమిటీ . నాలుగురోజుల పాటు ఫైర్, విద్యుత్, వైద్య, బధ్రత పై విడివిడిగా రిపోర్టులు రెడీ చేసిన జిల్లా కమిటీ . పూర్తి ఆధారాలను సేకరించిన కమిటీ . స్వర్ణ ప్యాలెస్ లో మే 18 నకోవిడ్ కేర్ సెంటర్ కు అనుమతి కోరిన రమేష్ హాస్పిటల్ యాజమాన్యం . కాని మే 15 నుంచే స్వర్ణ ప్యాలెస్ లో కోవిడ్ కేర్ సెంటర్ ను నిర్వహిస్తున్న రమేష్ హాస్పిటల్‌. నిబంధనలకు విరుద్ధంగా పలు ప్రాంతాలలో కోవిడ్ కేర్ సెంటర్లకు అనుమతులు లేవని నిర్ధారించిన కమిటీ . స్వర్ణా ప్యాలెస్‌ లో అగ్ని ‌ప్రమాదం జరిగిన వెంటనే సమాచారం ఇవ్వకపోవడం.. కొద్దిసేపు ప్రయత్నించి మంటలు చెలరేగిన తర్వాత ఫైర్‌కి సమాచారం ఇచ్చారంటూ నివేదిక.
  • విశాఖ: వెదర్ అప్ డేట్స్... వాయవ్య బంగాళాఖాతంలో నేడు ఏర్పడనున్న అల్పపీడనం. ఇది రెండు మూడు రోజుల పాటు కొనసాగుతూ ఉత్తర బంగాళాఖాతం మీద కేంద్రీకృతం అవుతుందని వాతావరణ శాఖ అంచనా. ఉత్తరాంధ్ర తీరం నుంచి ఒడిసా, బెంగాల్ వరకూ ఉపరితల ఆవర్తనం కొనసాగుతోంది. వీటన్నిటి ప్రభావంతో కోస్తాంధ్ర తెలంగాణల్లో కురవనున్న ఉరుములతో కూడిన వర్షాలు . ఉత్తరాంధ్రలో చాలా చోట్ల విస్తారంగా వర్షాలు....ఒకటి రెండు చోట్ల భారీ నుండి అతి భారీ వర్షాలు కురిసే అవకాశం. కోస్తాంధ్రలో గంటకు 45-55 కిలో మీటర్ల వేగంతో వీస్తోన్న బలమైన గాలులు . మత్స్యకారులు వేటకు వెళ్లరాదని హెచ్చరికలు జారీ.

వచ్చే ఎన్నికల్లో చంద్రబాబు ఓడిపోతారు-కేటీఆర్

, వచ్చే ఎన్నికల్లో చంద్రబాబు ఓడిపోతారు-కేటీఆర్
హైదరాబాద్: ఆంధ్రప్రదేశ్‌లో ఈసారి చంద్రబాబు దారుణంగా ఓడిపోతారని, ఇది 100 శాతం గ్యారెంటీ అని టీఆర్ఎస్ వర్కింగ్ ప్రెసిడెంట్ కేటీఆర్ జోస్యం చెప్పారు. మీడియాతో కేటీఆర్ చిట్‌చాట్ నిర్వహించారు. ఏపీలో వైసీపీ తప్పకుండా గెలుస్తాడనిపిస్తుందని ఆయన అభిప్రాయపడ్డారు. ఇక కేసీఆర్.. జగన్‌ను కలవాల్సిన టైంలో కలుస్తారని స్పష్టం చేశారు. టీఆర్ఎస్ పార్టీ ఏపీకి వ్యతిరేకంగా ఏ ఒక్క పనీ చేయలేదన్నారు. కేసీఆర్ విషయంలో చంద్రబాబు ఎన్ని భావోద్వేగాలను రెచ్చగొట్టినా ఏపీ ప్రజలు పట్టించుకోలేదని చెప్పారు.
చంద్రబాబులో నిరాశ, నిస్పృహలు స్పష్టంగా కనిపిస్తున్నాయని తెలిపారు. చంద్రబాబు నిద్రలో కూడా కేసీఆర్‌నే కలవరిస్తున్నారని ఎద్దేవా చేశారు. పక్క పార్టీలపై ఏడ్వకుండా రాష్ట్రానికి ఏం చేశారో చెప్పి ఓట్లడగాలని హితవు పలికారు. చంద్రబాబు ఢిల్లీలో కాదు.. విజయవాడలో కూడా చక్రం తిప్పలేరని విమర్శించారు. ఆంధ్రాలో పారిశ్రామికవేత్తలైన ఎంపీల మీద ఐటీ రైడ్స్ జరిగితే చంద్రబాబుకు బాధెందుకు అని ప్రశ్నించారు. జాతీయ పార్టీలు సొంతంగా అధికారంలోకి వచ్చే పరిస్థితి లేదన్నారు. ఎన్నికల ఫలితాలను బట్టే ఫెడరల్ ఫ్రంట్ సమీకరణాలు ఉంటాయని వెల్లడించారు. ఇక తెలంగాణలో కాంగ్రెస్ పార్టీ నైరాశ్యంలో ఉందని తెలిపారు. రాష్ట్ర కేబినెట్‌లోకి ఎవరిని తీసుకోవాలన్నది కేసీఆర్ ఇష్టమన్నారు.

Related Tags